17/12/07

Jordi Sierra i Fabra


BubbleShare: Share photos - Safe Toys



Probablemente co obxectivo de facer xustiza, foille concedido a Jordi Sierra i Fabra o premio Nacional de Lieteratura Infantil e Xuvenil pola sua obra Kafka y la muñeca viajera (Siruela, 2006)

Cando ven cumprir os sesenta anos, este autor continúa a publicar un libro cada corenta días. Loxicamente é un dos autores con maior obra editada en España.

De pequeño era tatexo pero descubríu que ao escribir non tatexaba. A pesar diso os comezos non lle foron doados: o seu pai non tomaba en serio os seus desexos de ser escritor, e para poder escribir e sobrevivir dedicouse a facer biografías de músicos durante moito tempo. Hoxendía, sen embargo, é o autor de literatura xuvenil máis lido, e o oitavo escritor máis recomendado nas escolas e institutos.

Ten publicados 316 libros. En 2006 vendeu 398.000 exemplares e leva 450.000 vendidos de Campos de fresas (50 reimpresións)

Autodefínese coas seguintes palabras: “Son anticonvencional, francotirador, inclasificable, inetiquetable e individualista, e me gusta. Non fixen outra cousa que escribir u non agardo nin ceos nin infernos por iso. So a paz do traballo ben feito. Libros, cómics, cancións, teatro, televisión, radio, cine. As palabras que definen o meu código ético son: paz, amor, respeito, honradez e esperanza”
.
A pesar do éxito non esquece as dificultades para publicar a primeira obra polo que a Fundación Jordi Sierra i Fabra convoca un premio literario para a xente nova e a fundación Taller de Letras con sede en Medellín (Colombia) fai proxectos sociais de lectura e escritura.

10/12/07

10 Decembro: Día dos Dereitos Humanos



Os Dereitos Humanos
Os Dereitos Humanos son o conxunto de prerrogativas inherentes á natureza da persoa, cuxa realización efectiva resulta indispensábel para o desenvolvemento integral do individuo que vive nunha sociedade xuridicamente organizada. Estes dereitos, establecidos na Constitución e nas leis, deben ser recoñecidos e garantidos polo Estado. Poderiamos dicir mesmo que son aquelas esixencias que agroman da propia condición natural do home.

Cando falamos da palabra “dereito” facemos fincapé nun poder ou facultade de actuar, un permiso para obrar nun determinado sentido ou para esixir unha conducta doutro suxeito. E son chamados “humanos” porque son do home, de cada un de nós. O home é o destinatario destes dereitos. E así, reclaman recoñecemento, respecto e promoción por parte de tod@s e especialmente da autoridade. Por iso, estes dereitos son inherentes e inalienables. Os dereitos humanos son universais porque pertencen a todos os homes, a todos por igual, en todo tempo e lugar; atópanse de xeito innato ligados á natureza do home. Deben ser o piar das comunidades.

Porén, non son realmente respectados, existindo toda clase de violacións: privacións das liberdades fundamentais, torturas, imposibilidade de acceso aos servizos de saúde e auga potábel, uso de minas antipersoais, discriminación e actos terroristas que xeran catástrofes, xenocidio, nenos soldado, etc.

Ás veces, esquecémonos do realmente importante, ocupados como estamos no noso devir cotián. Son as cousas e as persoas cercanas as que realmente nos importan, as que nos fan sufrir ou aledarnos. Pero tamén sabemos que o noso oficio, o noso traballo, a nosa dedicación primeira e fundamental é formar a unha serie de persoas-proxecto, o cerne do futuro, as xeracións que poderán facer do mundo do mañá un universo máis xusto no que habitar. Somos educadores, e como tales, priorizamos tarefas como a que agora nos une. Debemos procurar que o noso alumnado reteña na súa retina e na súa memoria que días como o 25 de novembro, o 30 de xaneiro, o 8 de marzo… días coma o de hoxe existen porque hai persoas que sofren unha penuria diaria que contravén o espírito do ser humano que deberiamos abandeirar. É o noso labor tentar que eses sufrimentos non existan, que deixen de existiren eses días porque a sociedade do futuro, esa na que tanto temos nós que dicir –non o esquezamos, co noso propio exemplo- non as procura, non as necesita.

Por esta razón, aquí estamos, de novo, unidos por unha nova causa común, o Día dos Dereitos Humanos, denunciando a súa violación. Vímolo facendo dende hai tres días. Resulta, sen lugar a dúbidas, moi clarificador, que os nosos blogues estean unidos desde esas datas. Emotivo. Significativo. É o noso desexo seguir a loitar unidos. E conseguirémolo.


CARTEIS CONTRA AS VIOLACIÓNS DOS DDHH




Dignidade e Xustiza para todos nós!!

Pica na cita e verás unha presentación feita con debuxos realizados polo alumnado de Infantil e Primaria

"Os Dereitos Humanos son os nosos dereitos. Tomémolos, defendámolos, promovámolos, esntendámolos e insistamos neles. Nutrámolos e enriquezámolos...Son o mellor de nós. Deámoslles vida" (Kofi Annan)

09/12/07

O mundo do cine e os dereitos humanos


"EL GRAN DICTADOR"
PELÍCULA INTERPRETADA POR CHARLES CHAPLIN "CHARLOT"

Discurso final de Charlot, o Charlot que, aproveitando o seu parecido físico con Hitler, se dirixe aos soldados dispostos a conquistar o mundo.
Charlot lles recorda que non hai que combater pola escravitude, que deben loitar en prol da liberdade e a xustiza, que hai lugar para a esperanza.

PODEDES FACER DESTA VIDA UNHA RADIANTE AVENTURA
PODÉIS HACER DE ESTA VIDA UNA RADIANTE AVENTURA

Realmente lo siento pero no aspiro a ser emperador. Eso no es nada para mí. No pretendo regentar, ni conquistar nada de nada. Me gustaría ayudar, en lo posible, a cristianos y judíos... negros y blancos. Todos tenemos el deseo de ayudarnos mutuamente. La gente civilizada es así. Queremos vivir de nuestra dicha mutua... no de nuestra mutua desdicha. No queremos despreciarnos y odiarnos mutuamente. En este mundo hay sitio para todos. Y la buena tierra es rica y puede garantizar la subsistencia de todos. El camino de la vida puede ser libre y magnífico, pero hemos perdido ese camino. La voracidad ha envenenado el alma de los hombres, ha rodeado el mundo con un círculo de odio y nos ha hecho entrar marcando el paso de la oca en la miseria y la sangre. Hemos mejorado la velocidad, pero somos esclavos de ella. La mecanización que trae consigo la abundancia nos ha alejado del deseo. Nuestra ciencia nos ha vuelto cínicos. Nuestra inteligencia, duros y brutales. Pensamos en exceso y no sentimos bastante. Tenemos más necesidad de espíritu humanitario que de mecanización. Necesitamos más la amabilidad y la cortesía que la inteligencia. Sin estas cualidades la vida sólo puede ser violenta y todo está perdido. La aviación y la radio nos han acercado los unos a los otros. La naturaleza misma de estos inventos requería la bondad del hombre y reclamaba una fraternidad universal para la unión de todos. En este momento, mi voz llega a miles de seres esparcidos por el mundo.
A aquéllos que puedan comprenderme les digo: No desesperéis, la desgracia que ha caído sobre nosotros no es más que el resultado de un apetito feroz de la amargura de unos hombres que temen el camino del progreso humano. El odio de los hombres pasará y los dictadores perecerán, y el poder que han usurpado al pueblo volverá al pueblo.
Soldados, no os entreguéis a esos brutos, hombres que os desprecian y os tratan como esclavos, hombres que rigen vuestras vidas, imponen vuestros actos, vuestros pensamientos: que os amaestran y os hacen ayunar, os tratan como ganado y os utilizan como carne de cañón. No os pongáis en manos de esos hombres contra natura, de esos hombres máquinas con corazones de máquinas.
¡Vosotros no sois máquinas! ¡Vosotros no sois ganado! ¡Vosotros sois hombres! ¡Vosotros lleváis el amor de la humanidad en vuestros corazones! No odiéis. Sólo los que no son amados odian. Los que no son amados y los anormales... Soldados, ¡no combatáis por la esclavitud! Combatid por la libertad.
En el capítulo diecisiete del Evangelio, según S. Lucas, está escrito:
«El Reino de Dios está en el hombre mismo». No en un solo hombre, ni en un grupo de hombres, ¡en todos los hombres! y vosotros ¡vosotros el pueblo! tenéis el poder para crear máquinas. El poder para crear felicidad. Vosotros el pueblo tenéis el poder para crear esa vida libre y espléndida... para hacer de esa vida una radiante aventura. Entonces, en nombre de la democracia, utilicemos ese poder... ¡Unámonos todos! luchemos por un mundo nuevo, un mundo limpio que ofrezca a todos la posibilidad de trabajar, que dé a la juventud un porvenir y resguarde a los ancianos de la necesidad.
Prometiendo estas cosas, gente ambiciosa se ha hecho con el poder. Pero ¡ha mentido! No han mantenido sus promesas, ¡ni las mantendrán jamás! Los dictadores se han liberado pero han domesticado al pueblo. Combatamos ahora para que se cumpla esta promesa. Combatamos por un mundo equilibrado... Un mundo de ciencia, en el que el progreso lleve a todos a la felicidad.
¡Soldados! en nombre de la democracia ¡unámonos!

08/12/07

O mundo das letras e os Dereitos Humanos

La Aventura Humana
Osset Hernández, M.
Ed. Icaria, Barcelona, 2005.
Recompilación de trinta contos populares que corresponden a cada un dos artigos da Declaración Universal dos Dereitos Humanos de 1948. O autor quere amosar que en calquera tradición existe a lo menos un conto que é posible utilizar para transmitir os valores que enuncian os dereitos humanos polo tanto forma parte do acervo colectivo da humanidade.

Neste libro atoparedes os seguintes contos:
Afgano: Hussun Banu
Amazónico: La justicia de Tupá
Árabe: Sherezade
Bereber: Un docto cadáver
Bretón: Cantos de boda
Castelán: Blancaflor
Catalán: El conejo, el gallo, el gato, el perro y el carnero
Chinés: Liang Sanbo y Zhu Yingtai
Congoleño: Nkolle o la aventura humana
Coreano: La liebre y el hígado

Cubano: Bregantino, Bregantín
Exipcio: El león y el gato
Xitano: El origen del violín
Grego: Prometeo y la caja de Pandora

Guineano: El hijo del cocodrilo
Hindú: El bueno y
el malo
Huichol: El diluvio
Indoeuropeo: El hombre que quería robar a su compañero
Irlandés: El juicio del gato

Letón: El hombre-oso
Malí: Un bastardo
Masai: Los frutos del sicomoro
Mexicano: Xicoatl, estrella errante

Nepalí: Lalari y Kusuri; Khoktschulukpa y el nacimiento de la cultura
Quechua: El cuento de Pedro Lache
Saharaui: El honor

Sioux: El águila y el cazador
Tibetano: La hija de los dragones
Vasco: Catorce
... que os disfrutedes e vos aporten a súa maxia.

CITAS

"La violencia es el último recurso del incompetente". (Isaac Asimov)

"Ojo por ojo, y el mundo acabará ciego". (Gandhi)

"La violencia es el miedo a los ideales de los demás". (Gandhi)

"No hay camino para la paz, la paz es el camino". (Gandhi)

"No hay más calma que la engendrada por la razón". (Séneca)

"La verdad no está de parte de quién más grite". (Rabindranath Tagore)

"El racismo ha sido históricamente una bandera para justificar las empresas de expansión, conquista, colonización y dominación y ha marchado de la mano de la intolerancia, la injusticia y la violencia". (Rigoberta Menchú)

"Los derechos humanos son sus derechos. Tómenlos, defiéndanlos, promuévanlos, entiéndanlos e insistan en ellos. Nútranlos y enriquézcanlos... Son lo mejor de nosotros. Denles vida". (Kofi Annan)

"Toda sociedade que pretenda asegurar aos homes a liberdade, debe comezar por garantirlles a existencia". (León Blum)

"Mentres a maioría dos homes non sexa libre, non se pode concibir ao home libre". (Henri-Frédéric Amaniel)

"Descubrir aos outros é descubrir unha relación, non unha barreira". (Claude Lévy-Strauss)

"A liberdade non é máis que a oportunidade de ser mellor". (Albert Camus)

07/12/07

O mundo da música e os dereitos humanos

Fíjate bien (Juanes)
Te han quitado lo que tienes
Te han robado el pan del dia
Te han sacado de tus tierras

Y no parece que termina aqui
Despojado de tu casa
vas sin rumbo a la ciudad
sos el hijo de la nada

sos la vida que se va
Son los niños son los viejos
son las madres somos todos, caminando
Y no te olvides de esto no no no
Fijate bien donde pisas
fijate cuando caminas
no vaya ser que una mina
te desbarate los pies amor

Fijate bien donde pisas
fijate cuando caminas
no vaya ser que una mina
te desbarate los pies...

Ya no se quien es el dueño
de tu vida y de la mia
solo se que hay un cuento
que no parece que termina aqui
Como dicen en los diaros

y como dicen en la tele
y como dicen en la radio
que no parece que termina aqui

son los niños son los viejos
son las madres somos todos, caminando
y no te olvides de esto no no no

Fijate bien donde pisas
fijate cuando caminas
no vaya ser que una mina
te desbarate los pies (amor/por favor/amor)

Por que ellos no van a buscarte
ellos no van a salvarte
ellos no van ellos no van no no
y tu no lo vas a creer

Where is the love (Black eyed peas)
Rosa de la paz (Amaral)
Streets of Philadelphia (Bruce Springsteen)
Black eyes, blue tears (Shania Twain)
I will survive (Gloria Gaynor)
free music

04/12/07

Unha biblioteca de chiste (II): Siro López

BubbleShare: Share photos - Safe Toys

Siro López Lorenzo naceu en Ferrol o 19 de Xaneiro do 1943. Publica os primeiros debuxos de humor na revista Chan, que dirixía Borobó. 1971. Comezou a colaborar con debuxos de humor e caricaturas no Ferrol Diario. 1972. Pasou a El Ideal Gallego, e desde 1985 á redacción de La Voz de Galicia, xornal no que trata diariamente a caricatura da vida política galega. 2000. Ilustrou unha grande cantidade de libros e tamén lle foron concedidos unha grande cantidade premios. É xa un clásico do humorismo gráfico e da ilstración.

Álbums publicados:
Humor 71 (1971)Probes Homes (1975) Os pecados capitales (1977) Homes e mulleres (1980) Coas raíces na Terra (1980) Historia gráfica de 2 anos (1982) 18 espidos de muller (1983) Debuxos de humor (1985) In saecula saeculorum amén (1986) Cofrades do cristo da autonomía (1988) Debuxos (1988) Xente na brétema (1988) ¡Ozú la ezpo! (1992) 16 anos de Parlamento Galego (1998) Siro 30 anos despois (2000) Xente na brétema (Nova versión 2003)
Vía: "Homes e Mulleres" 1980

03/12/07

Roteiro polas Bibliotecas Escolares

Esta semana os membros do GBI (Grupo de Bibliotecas Interdisciplinar Intercentros – A Nosa Biblioteca, Biblioafonso e O Segrel do Penedo) decidimos iniciar unha andaina que nos levará polas bibliotecas escolares galegas. Queremos coñecelas in situ, e presentárvolas a través dos nosos blogs. Unha experiencia máis do traballo colaborativo que tanto nos gusta e que esperamos nos sirva para aprender moitísimo das vosas experiencias e do voso bo facer.

Este roteiro comezou polo CEIP Milladoiro de Malpica, unha das catro bibliotecas galegas que conseguiron un dos premios de Boas Prácticas do MEC, aínda que non foi este o motivo que nos levou alí, senón a amizade que nos une con Olga a coordinadora da biblioteca. Olga Rodríguez, unha das “históricas” das bibliotecas escolares galegas, que leva ao fronte desta biblioteca moitísimos anos, é unha das artífices deste merecidísimo premio.

Chegamos a Malpica ás dúas da tarde do xoves 28 de novembro, un día frío pero no que lucía un sol radiante. A nosa anfitriona recolleunos e levounos a comer. A conversa sempre moi interesante, botamos unhas risas, pero queríamos ir á biblio.
Unha vez alí, recorremos todos e cada un dos seus recunchos, que ten varios, todos eles moi acolledores, pero se tivéramos que escoller un só, este sería o da lectura. Dous sillóns ao carón dunha mesa camilla cun precioso atril en forma de rá. Un recuncho que invita a sentarse e disfrutar coa lectura dun bo libro, como “Corre, corre cabaciña” ou “Chocolata”.
Pero se o que nos piden é que elixamos un dos libros dos seus fondos, sen lugar a dúbidas ese libro estaría na sección de creación propia, e de todos os que alí hai nos quedamos co Diccionario de Palabras Bonitas. Canto disfrutamos lendo algunhas das súas entradas! Un traballo excelente!

Foi unha experiencia inesquecible. Coñecimos a Mari Carmen e a Laura membros do equipo da biblioteca , a Maria , a José Manuel Villar, a Jesús, a Lino e a Carmen compoñentes todos eles do GT do blog. O profe “aproveitou” moi ben o tempo e tamén nesta visita falou de blogs e por suposto do blog desta biblioteca. Aos dous días de estar alí saíron á blogosfera!!

Queredes saber como rematamos a tarde? Pois como non podía ser menos, nunha cafetería de Malpica, frente ao porto e falando de bibliotecas, de libros, de proxectos de futuro.... Que máis se pode pedir?
Grazas Olga por unha xornada tan fantástica e parabéns a todos e todas os que facedes posible unha biblioteca con tanta maxia. Encantounos!!

26/11/07

La invención de Hugo


Brian Selznick. La Invención de Hugo. SM, 2007


Unha estación, os anos trinta en París, dous orfos, un reloxeiro, un autómata, un mago metido a creador de cine mudo, unha librería, unha tenda de xoguetes, unha chave, un rapaz cun parche no ollo dereito e unha lúa debuxada cun foguete no mesmo ollo… Nese mecanismo-atmosfera que recorda a certos contos de Hoffmann, o autor fai deambular aos personaxes nunha historia de misterio e suspense durante unhas cincocentas páxinas… das que a metade son ilustracións ¡do propio autor! Velaí en realidade a auténtica protagonista do libro: a mestura de varios medios de expresión dentro dunha soa obra: novela, ilustración, cómic e cine mudo debuxado. Os debuxos non ilustran/complementan o relato: forman parte del, en pé de igualdade co texto escrito (nun coñecido diario a reseña deste libro foi publicada na sección de banda deseñada e escrita por un famoso novelista) Recorda, nesto, a outros autores que traballaron neste intento: Gorey, Buzzatti…

Correspóndete a ti averiguar se tal intento está realmente logrado, e se a trama resiste ata o final sen sairse as pezas….

(Atención ás páxinas do apéndice: hai unha páxina web onde podes ver que o aparentemente máis fantástico da historia, o autómata, é o máis real… e ben antigo)

25/11/07

25 de Novembro: Contra a violencia de xénero


25 de novembro: data tope.
Levamos días cunha conta atrás que moitos non soubestes adiviñar. Quizais porque todos e todas vós sabedes que unha data non significa o remate dunha peste, dunha lacra social. Que por riba dos nosos desexos está a crua realidade.


25 de novembro.
Sabemos a historia deste día, sabemos que a muller é máis vulnerábel nas guerras, nos odios, nos enfrontamentos, na violencia.
Sabemos tamén, como educadores que somos, de que o uso gratuíto da violencia como xeito de reafirmación persoal sobre outro é a manifestación máis lamentábel da ignorancia. Só aquel inseguro e con necesidade de amosar a súa posición agride sen motivo.
De aí a importancia da educación, de formar aos mozos e ás mozas, ao noso alumnado por tanto, para combater de raíz as claves da existencia da violencia. Só dende a formación, dende a educación, seremos quen de combater contra ela.


25 de novembro.
Dicimos NON á violencia contra a muller. Dicimos NON a calquera tipo de violencia.
En todos os países medran as denuncias de vítimas de violencia de xénero, nalgúns casos un 400% máis que hai dez anos. Mentres a policía detén maltratadores e os xuíces ditan ordes de afastamento, a mutilación xenital, un tipo de violencia contra a muller, xera novos hábitos nos hospitais.
Algúns grupos de mulleres son particularmente vulnerables á violencia: as mulleres pertencentes a minorías, as mulleres indíxenas, as refuxiadas, as inmigrantes, as mulleres que habitan en comunidades rurais ou remotas, as mulleres indixentes, as mulleres recluídas en institucións ou detidas, as nenas, as mulleres con discapacidades, as anciás e as mulleres en situacións de conflito armado.


25 de novembro
Porque todo tipo de discriminación é violencia, non o esquezamos. O maltrato pode ser psíquico, físico, pero é maltrato. As vexacións, os acosos, as desigualdades, son maltrato. E porque pretendemos e queremos un mundo de iguais, estamos hoxe aquí, unha soa voz, un único berro en contra da Violencia contra as mulleres.

Vía: Trafegandoronseis.

Diario dunha maltratada

Vía: Trafegandoronseis

22/11/07

Concerto na Biblioteca





Co gallo da celebración do Día da Música, a Biblioteca e o Departamento de Música (moitas grazas Isabel e Santiago) tivemos o gusto de organizar un pequeno concerto na biblioteca no que se tocaron pezas de Milhaud, Oasis e arranxos de música folclórica galega.

Os primeiros en actuar foron catro rapaces de 2º ESO A e B (Mónica Arcay, Antón Muíños, Diego Pazos e Noemí Cortés) Estes alumnos interpretaron a canción popular "Troula" seguida dunhas variacións elaboradas por eles mesmos, estreándose como compositores.

Despois, o alumno Christian Antonio, estudante de 5º curso de saxofón, acompañado pola súa profesora ao piano, interpretou a peza "Danse" do compositor francés Darius Milhaud.

Para rematar, Noelia Mariñas cantou un persoal "Wonderwall", tema do grupo Oasis, acompañada pola guitarra de Julián Bokser.

Todo un éxito de acuacións e ¡de público! Noraboa para os/as intérpres.

21/11/07

Cine e Literatura




Este mes a biblioteca “O bosque animado” recoméndache dúas películas de marcado carácter histórico e unha comedia que tamén se desenvole no pasado. “El nombre de la rosa”, “Juana la Loca” e “Good bye Lenin” son tres filmes de enorme calidade. Podes atopar máis información sobre elas na sección As nosas películas.

Cuentos escritos a máquina” é xa un clásico da literatura para mozos e mozas: humor, fantasía, crítica... “Auga para encher un pozo” para é un libro de relato curtos e no que tamén hai lugar para a historia.. “El diablo de los número” é un libro para todas aquelas persoas que temen ás matemáticas. ¿Atresveste? Podes ver outros libros selecciondados en Recomendacións.

13/11/07

NOVELA HISTÓRICA

Presentamos a primeira guía de lectura deste curso: Novela Histórica.
Cun novo formato, recoméndase nesta guía a todo tipo de lector ou lectora unha serie de novelas sobre o pasado. Piratas, o rei Arturo e a época medieval, o camiño de Santiago, Afonso X O Sabio, a época musulmana, Bizancio, Roma... Calquera tempo pasado é bo para ambientar unha novela. Amor, aventuras, intrigas políticas, asasiñatos, investigacións...

Visita na Biblioteca a exposición sobre a NOVELA HISTÓRICA. Busca os filmes sobre o pasado e, se tes sorte, tal vez podas participar con JUAN GRANADOS, autor de dúas novelas de contido histórico (El Gran Capitán; Sartine y el caballero del punto fijo), nun diálogo sobre como e por qué un autor escribe novela histórica.


Lembra que na sección de Guías de Lectura atoparás e esta guía e moitas outras recomendacións.
Atrévete a vivir a aventura do pasado.



10/11/07

Unha biblioteca de chiste



Quen dixo que as bibliotecas teñen que ser lugares aburridos?
Se temos unha sección de banda deseñada, por que non imos facer exposicións sobre o traballo dos humoristas?
Biblioafonso inicia unha serie de exposicións adicadas ao humor. O galego Xaquín Marín é o protoganista da primeira, continuaremos por Siro, Forges...

Libro Guinness 2008


Xa chegou á nosa biblioteca o libro máis esperado:

GUINNES WORLD RECORDS 2008


¿Quen é a persoa máis alta do mundo e canto mide?
¿Canto pesa a cabaza máis grande?
¿Quen é o terrorista máis buscado?
¿Cal foi a película de animación máis cara?
¿Cal é o coche de policía máis rápido?
¿Onde está a montaña rusa máis antiga?
¿Cal é o peixe máis feroz?
¿Cantas mazás se poden cortar no aire nun minuto cunha espada?
¿Cal é o insecto voador máis rápido?
¿Onde está a árbore viva máis alta?
¿Cal é o cadro máis caro?
¿Que país é o que ten máis oscars á mellor película estranxeira?¿Cal é o país máis corrupto?

05/11/07

Inauguración de "O Segrel do Penedo"

"O Segrel do Penedo" somos todas as bibliotecas escolares galegas.

No día de hoxe Biblioafonso foi invitada á inauguración da biblioteca “O Segrel do Penedo “ do IES de Fene. Neste acto, ademais de autoridades, familia do poeta Pérez Parellé, invitados e o alumnado do centro (o verdadeiro protagonista do acto e destinatario final do traballo que se realiza na biblioteca), estiveron presentes todas as Bibliotecas Escolares de Galicia.

Foron unhas horas para lembrar a historia desta biblioteca e dos seus bibliotecari@s, pero sobre todo un tempo para coller novos folgos de ilusión bibliotecaria, para compartir desexos de mellora permanente, para contemplar as melloras "fisicas” da biblioteca, para coñecer unha das bibliotecas de secundaria que é o facho e a guía para as demais, para valorar o traballo ben feito.

Foron unhas horas para apreciar o cariño e o agarimo que a capitana desa nave ten posto nunha tarefa que comenzou hai xa dezasete anos. Foron tamén unhas horas para darlle o recoñecemento non só da súa comunidade escolar, senón tamén de todas as bibliotecas escolares galegas. Grazas polo traballo. Grazas polo exemplo.

No día de hoxe todas as bibliotecas galegas queremos ser “O Segrel do Penedo”.
No día de hoxe todas as bibliotecas somos “O Segrel do Penedo”.

03/11/07

¿Tienen los animales que lavarse los dientes?

Xa chegou a Biblioafonso “¿Tienen los animales que lavarse los dientes?", Premio Bolonia 2006 en Non Ficción, recomendación de José Luis Polanco Nas Xornadas de Bibliotecas Escolares de Galicia.

¿Por qué las abejas no tienen cintura de avispa?
¿Se les funden los plomos a las luciérnagas?
¿Se van de vacaciones los animales?
¿Es creyente la mantis religiosa?
¿Es el lobo tan feroz?
¿Sabe inglés el pastor alemán?
¿Fuman los camellos?
¿Tienen cola las serpientes?
¿Tienen las vacas dientes de leche?
¿Es la oveja negra una marginada?
¿Es pacifista el pez espada?
¿Cuántos pies tiene el milpiés?


Hennig Wiesner, director dun zoolóxico alemán responde a estas e outras preguntas semellantes neste interesantísimo libro, cunha maxistral habilidade para transmitir e facer sinxelo o complexo.

27/10/07

M.C.ESCHER: a maxia do imposible



Nos vindeiros días, alumnado do centro acompañado polo profesorado de Matemáticas visitará en Lugo unha exposición sobre M.C. Escher.

26/10/07

Hallow....que??


hallow....que??

PERO TI EN QUE PAÍS VIVES ?

ESTAMOS NO TEMPO DO
SAMAÍN
Trae a túa cabaza labrada e levarás un premio!!!
Equipo de Normalización Lingüística
IES Afonso X O Sabio. A Barcala Cambre

24/10/07

Exposición "Cartografía histórica de Galicia"

Co gallo do Día da Biblioteca, inaugurose o 24 de outubro a exposición "Cartografía histórica de Galicia" na Biblioteca. A exposición consta de dez reproduccións facsímiles de mapas, cartas naúticas e planos de Galicia, comprendidos entre o século XVI e principios do século XIX. Cada documento vai acompañado dunha ficha explicativa tanto do seu contido como das súas características técnicas (impresión, escalas, referentes de lonxitude, etc)

20/10/07

As películas de outubro

Este mes a Biblioteca amósavos as súas novas adquisición de películas para este trimestre.
Lembrade que podedes visitar a sección de As nosas películas ondes tedes información sobre moitos filmes.

Ademais recoméndamosvos tres:

Diarios de motocicleta: Hai xa 40 anos da morte do “Che” Guevara. Descúbreo nesta película cando aínda non era o “Che”



El mercader de Venecia:
Al Pacino, Jeremy Irons, Joseph Fiennes, Dustin Hofman e... Shakespeare.




El Club de los Poetas Muertos:
As clases de literatura poden ser distintas. A poesía pode servir para a vida.

14/10/07

Tres novos títulos de aventuras


Tres novos libros de aventura para ler en outubro. Desde o clásico de “El libro de la jungla”, publicado en 1894, do premio nobel R. Kipling, escritor inglés nacido na India. “El escribiente de lápidas” de Olga Xirinacs onde o seu protagonista traballa nun taller de lápidas funerarias. En “Las catorce momias de Bakrí” de Susana Fernández Gabaldón toda a aventura está centrada nun espello misterioso.

Lembra que estes libros e outros están comentados nas nosas Recomendacións

03/10/07

Os libros arden mal



O primeiro anuncio de televión dun libro galego.

29/09/07

Atréveste a ler sobre o pasado recente?

Biblioafonso comeza o novo curso facendo tres recomendacións para o alumnado de Bacharelato e Ciclos Formativos. Son tres excelentes novelas sobre a II República, a Guerra Civil e O Franquismo. Tres novelas que aportan unha nova mirada sobre o noso pasado.

O escritor burgalés Oscar Esquivias sorprendeu á comunidade lectora hispánica, en 2005, coa publicación da súa cuarta novela Inquiteud en el Paraíso, unha obra na que enlazada dúas tramas paralelas: o ambiente de Burgos nas semanas anteriores ao golpe de estado de xullo de 1936 (a esperanza revolucionaria, a trama golpista, o desencanto político, a influencia da igrexa...), coa intención dun sacerdote de viaxar "fisicamente" ao purgatorio a través dun camiño secreto existente na catedral.
Este libro, publicado na coruñesa Ediciones del Viento, é o primerio dunha futura triloxía, da que xa publicou a segunda parte La ciudad del Gran Rey.

A Guerra Civil, os “paseos”, as torturas, as violacións, a División Azul, os nazis, visto desde o lado dos sublevados, dos asasiños, dos torturadores, dos violadores, dos voluntarios en Rusia e dos fascistas. A nova novela de Suso de Toro é unha reflexión pertubadora sobre a memoria que deita a mirada dun dos verdugos. Un home sen nome nun hospital conta a súa arrepiante biografía centenaria. A presenza de Celia, unha xove guionista, levará ao vello a confesar, sen rastro de arrepentimento, a súa participación en múltiples fusilamentos, torturas, violacións... ¿Que razons poden levar a unha persoa a xustificar os asasiñatos, as torturas, as violacións?



A última novela de Almudena Grandes é unha gran novela, e non só pola súa estensión (máis de 900 páxinas) senón porque crea unha sorprendente trama na que xurden con toda a crudeza do pasado a Guerra Civil, as súas vítimas e os seus verdugos, a vida no exilio, o roubo das propiedades dos perdedores, o amor, o engano, a presenza en Rusia de españois durante a II Guerra Mundial, a participación na resistencia francesa durante a ocupación nazi... Mais tamén, os anos da Transición, coa amnesia colectivamente aceptada. Historias de varias familias que se proxectan sobre o presente, entrecruzándose e converxendo dun xeito dramático e sorprendente.

Lembra que estes e outros libros podes atopalos na nosa sección de Recomendacións .

26/09/07

MOITAS GRAZAS POLA CONFIANZA

Comezamos o novo curso cunha boa nova.


Na enquisa feita ao alumnado de secundaria deste instituto a final do curso 2006/2007, a biliblioteca resultou ser o servizo educativo máis valorado.

¡MOITAS GRAZAS!

Isto demostra que o alumnado coñece a Biblioteca e que gústalle como funciona, ademais proporciónanos novos folgos para continuar e mellorar as actividades de dinamización. Agardamos que os novos proxectos que temos para o curso (ciclos de curtametraxes, lecturas dramatizadas, recitais poéticos, utilización do blog como ferramenta pedagóxica…) sexan do seu agrado.

A enquisa, realizada dun xeito anónimo, tiña por obxectivo coñecer o grao de satisfacción dos nosos usuarios e usuarias sobre os servizos que reciben. Deste xeito responderon a preguntas sobre o ensino-aprendizaxe e sobre o funcionamento de diversos aspectos do centro.

No apartado de ensino-aprendizaxe o máis valorado foi a ambiente de convivencia nas clases e no instituto. En canto o funcionamento xeral do IES, a limpeza en aulas, no exterior e nos corredores resultou ser o que máis preocupa, mentres que no senso positivo valorase ben o labor da cafetería e da conserxería.

22/09/07

ARTE NA RÚA



O escultor alemán, de orixe polaca, IGOR MITORAJ, está expoñendo algunhas das súas obras na Praza de María Pita na Coruña.
Este escultor, viaxeiro incansable, ten exposto nas principais cidades de todos os continentes, sendo un dos máis salientables artistas que amosan as súas obras na rúa.

Igor Mitoraj recuperou o espírito da arte grega, romana e do renacimento. As súas obras monumentais inspíranse nos temas da historia e da mitoloxía e os reinterpreta desde unha perspectiva contemporánea.

Imaxes enigmáticas de deuses e heroes toman a coruñesa praza de María Pita e presentan a súa enigmática existencia á cidadanía. Aínda que se trata de obras de recente creación, teñen a apariencia de pezas arqueolóxicas e nos lembran a persistencia, baixo a modernidade actual, dos grandes temas que preocupan á humanidade: a razón, a espiritoalidade, a violencia ou a beleza.

Estas obras xa foron expostas en Varsovia, Roma, Venecia e París.

¡Disfrutemos da arte na rúa!

20/06/07

Recomendacións de lecturas para o verán

Remate de curso, ¡por fin!

Chegan as vacacións e, con elas, o tempo de lecer para adicarte ao que te gusta: a diversión, a praia, as aventuras, facer amigos e amigas, os amores, as viaxes, descobrir novas sensacións…

Seguro que todo isto poderás atopalo ao teu redor, mais, e por se a caso…, sempre te quedará un bo libro que poda facerte sentir todas isas emocións.

Aquí tes algunhas recomendacións de lectura para o verán.

Inauguración da fnac

Novo espazo para o comercio?
Novo espazo para a cultura?


A multinacionacional francesa fnac inagurou o martes 19 de xuño un novo local, de máis de 2.000 metros cadrados, na Coruña. Intelectuais, artistas, músicos, editores, escritores, poetas, bibliotecarias, críticas literarias, etcétera, foron testemuñas da apertura deste novo local. A festa cultural, ademais de discursos, contou cun pequeño concerto de Rosa Cedrón e familia (posteriormente habería outro nos xardíns con DeLuxe, Siniestro Total...) Libros, banda deseñada, música, dvds e aparellos electrónicos teñen cabida nesta nova tenda coruñesa.

O comercio local ten diante un novo reto para afrontar. Será a especialización a única saída? Reducirán custes de persoal? Onde mercará cultura a cidadanía coruñesa?

Biblioafonso, que estivo invitada ao evento, pode salientar a magnifica colección de banda deseñada, a estensa oferta en filmes e a abundancia de libros sobre divulgación científica que ofrece este novo espazo cultural. Un espazo onde a adquisición de libros, música ou filmes ten unha nova formulación comercial.

13/06/07

Entrevistas na Biblioteca


Iniciamos hoxe unha nova sección en Biblioafonso, Entrevistas na Biblioteca.
As bibliotecas municipais de Cambre contan cunha notable presenza no eido educativo e cultural do concello. Nos últimos meses inaugurouse a reforma e ampliación da Biblioteca Os Templarios. Teñen, polo tanto, un merecido prestixio social e mesmo gozan de reiterados recoñecementos do Ministerio de Cultura. Pode semellar oportuno que a primeira persoa que pase por esta sección sexa a directora destas bibliotecas, dona Ángeles Roca.

¿Canto tempo leva como responsable das Bibliotecas Municipais de Cambre?
23 anos. Dende maio de 1984, data na que se abriu a primeira biblioteca en Cambre, a que hoxe actúa como Central.

¿Como é e que caracaterísticas pode salientar da rede de bibliotecas municipais de Cambre?
Na actualidade conforman a rede municipal 3 bibliotecas: a Central, no núcleo de Cambre, na rúa Samosteiro; a Biblioteca Municipal Os Templarios, na parroquia do Temple, na rúa Paseo dos Templarios; e a Biblioteca Municipal Xabier P. Docampo, na Urbanización A Barcala, na rúa Río Gándara. Contan, a 31 de maio de 2007, cun fondo de 66.144 documentos e con 6.804 socios.

Son bibliotecas pequenas, pero coido que dinámicas. Desenvolven unha programación estable de Actividades de Animación á Lectura, de outubro a maio, para os máis pequenos, que titulamos “Encontros e contos nas Bibliotecas Municipais de Cambre”: O Moucho Leroucho, Paula Carballeira e Contacontos en inglés. Este programa ten continuidade nos encontros que realiza o Moucho nas propias aulas de infantil e primaria dos centros públicos de Cambre.


Na Biblioteca Central contamos cunha Sala de Exposicións na que se realizan durante a maior parte do ano, actividades e exposicións de todo tipo (fotografía, ilustración, gravado, pintura, etc.), con visitas guiadas moitas delas; alberga tamén no mes de abril os talleres de ilustración e banda deseñada, ou calquera conferencia ou encontro.


¿Que servizos prestan no día a día as bibliotecas de Cambre a mozos e mozas e tamén a adultos?
Pois ademais de lectura en sala, hemeroteca, préstamo, tanto libros como outros formatos, contamos con equipos informáticos en cada unha das bibliotecas, con acceso gratuito a Internet durante unha hora e media por usuario e día. A rede inalámbrica de cada unha das salas permite tamén aos usuarios a conexión gratuita desde ordenadores portátiles, durante o tempo de apertura. Para utilizar estes servizos, só se necesita ser socio dalgunha das tres bibliotecas municipais, isto consíguese con só dúas fotos.
A partir de outubro, nas bibliotecas de Cambre e en todas as da Rede de Bibliotecas de Galicia, cada usuario socio, poderá acceder a “Ocenet Saber e Ocenet Salus”, dúas ferrramentas adquiridas recentemente pola Dirección Xeral de Creación e Difusión Cultural.

Tamén para o próximo curso esperamos poñer en marcha un clube de lectura para adultos sen límite de idade, e que se publicitará cando dea comezo.

Hai que recordar ademais que as tres bibliotecas municipais dispoñen para préstamo, de varios exemplares de todos os libros de lecturas recomendadas ou obrigatorias dos centros de ensino público de Cambre. No suposto de que, nun momento dado, ese préstamo solicitado non estivese dispoñible, quedaría recollido nunha lista de espera.

¿Que novas adquisicións salientarías para os próximos meses?
Ademais de adquisicións de novidades e actualización dos distintos fondos, tanto en formato papel como noutros soportes, a principios do vindeiro curso escolar temos previsto ampliar a colección de banda deseñada, pois ademais de que nolo están demandando os mozos e mozas, este pasado mes de abril tivemos talleres de banda deseñada, programados para 3º curso de ESO, con moi boa acollida e aos que pensamos dar continuidade no próximo abril. Cremos que o complemento lóxico é poder dispoñer dunha ampla selección de títulos.

¿Que proxectos de futuro pode salientar?
Esperamos poder contar cunha biblioteca Central que poida prestar uns servizos axeitados ás necesidades dos usuarios e usuarias do século XXI.
Contar coa totalidade do fondo de toda a rede informatizado e ampliación de horarios de apertura ao público, sobre todo na Central. Evidentemente isto conlevaría un incremento considerable de persoal.

¿Como son as relacións entre as bibliotecas municipais e os centros de ensino público de Cambre e nos seu caso, coas bibliotecas escolares?
É evidente que desde as bibliotecas municipais traballamos máis cos centros de ensino primario. Temos unha programación de Animación á Lectura que facemos estensiva ás aulas de infantil e primeiro curso de primaria, con préstamos periódicos de libros a estas aulas. De todos os xeitos, desde aquí reitero que as bibliotecas están, por suposto, tamén abertas aos centros de secundaria, non só para préstamos senón en calquera iniciativa na que poidamos colaborar.
O que sí me gustaría salientar, é a boa disposición e colaboración coas bibliotecas municipais de Cambre, por parte de todo o profesorado, tanto o de ensino de infantil e primaria como o de secundaria, cousa que agradezo moi sinceramente.

¿Que desexarías despois de que alumnos e alumnas de secundaria de Cambre lesen esta entrevista?
Pois despertarlles a curiosidade de acudir ás bibliotecas, se é que non o fan normalmente, (seguro que sempre poderán atopar algo que lles interese) e que algunha ou algún deles chegase a ser Supermoucho das Bibliotecas Municipais de Cambre, iso significaría que estaría entre os máis lectores e lectoras do ano.

Moitas grazas pola súa colaboracións e parabéns polo traballo.


08/06/07

Exposición "Las Misiones Pedagógicas. 1931-1936"

Durante o mes de xuño, poderase disfrutar no Pazo Municipal de Exposicións Kiosko Afonso da Coruña, da exposición”Las Misiones Pedagógicas. 1931-1936”, organizada polo Ministerio de Cultura e a Consellería da Presidencia da Xunta de Galicia.

Ista exposición divídese nunha ducia de apartados que percorren desde os antecedentes deste experiencia – cando en 1881 desde a Institución Libre de Enseñanza Francisco Giner de los Ríos propuxo unha serie de medidas para a reforma da instrucción pública, entre as que incluía a creación de “misións ambulantes”- ata os servizos que ofrecían as Misións Pedagóxicas: Servizo de Bibliotecas, Museo do Pobo, Cinema, Coro, Teatro do Pobo, Servizo de Música ou Retábulo de Fantoches que naceu en terras galegas.

En 1931 case non había bibliotecas públicas en España e ningunha escola rural contaba con libros infantís. O labor emprendida polo Patronato das Misións Pedagóxicas, no que participaron de maneira salientable María Moliner e Juan Vicens, foi a maior campaña de lectura que xamais se fixo en España: repartíronse bibliotecas para adultos e para nenos e nenas por pobos e aldeas aos que non se podía chegar en automóbil e onde non había luz eléctrica.

O 11 de agosto de 1933, comenzou a misión pedagóxica de Galicia dirixida por Rafael Dieste; unha viaxe que duraría seis meses e que percorrería as catro provincias galegas. Foi a actividade de maior duración de todas as que realizou o Patronato das Misións Pedagóxicas, que fora creado polo goberno republicano o 29 de maio de 1931 co obxectivo de levar aos lugares máis apartados uns bens culturais que pertencían por dereito a toda a cidadanía e non só aos habitantes da cidades.

O Patronato distribuiu en Galicia un total de 405 bibliotecas: 79 na Coruña, 48 en Lugo, 123 en Ourense e 155 en Pontevedra. No conxunto do estado, e entre 1931 e 1936, o labor do Patronato chegou a preto de 7.000 pobos e aldeas. Documentáronse 196 circuítos das Misións Pedagóxicas, nas que participaron en torno a 600 misioneiros. Ata o 31 de marzo de 1937 repartíronse 5.522 bibliotecas, que en conxunto sumaban máis de 600.000 libros. O Teatro e Coro realizou 286 actuacións. As exposicións circulantes de pintura puideron verse en 179 localidades.

As fotografías que acompañan este texto foron tomadas en Malpica e no traslado do Museo do Pobo do Pindo a Corcubión en outubro de 1933.

Temos que darnos presa. A exposición só estará na Coruña ata o 1 de xullo.

04/06/07

Relatos premiados no II Concurso "Sea breve, por favor"

Modalidade A (1º, 2º e 3º da ESO) Ana M. Vázquez. Título "El verbo estudiar"
Sara había llegado del colegio. Tras comer, su madre, antes de irse a trabajar, le insistió en que estudiara los verbos, pues esa era su tarea para aquel día. Cansada de escuchar aquella frase que su madre le repetía sin cesar "Sara estudia" se prometió a si misma que si volvía escuchar aquella frase se echaría a correr sin mirar atrás.
Abrió el libro y vio: Imperativo- estudia (tú)
Se echó a correr y no se volvió a saber más de ella,
"porque las promesas se cumplen"
Modalidade B (4º ESO, Bacharelatos e Ciclos Formativos) Iago Prada "Sin título"
Probó uno. No le servía. Probó otro, tampoco. Buscó alguno más grande, y nada. Siguió probando, realmente no le molestaba no encontrar ninguno de su talla, así que prácticamente, desmontó la tienda. Solamente quedaban tres, cuando vio uno perfecto: Era precioso, grande... El más grande de la tienda. Se acercó a él, el dependiente lo miró entusiasmado, quería acabar ya y cerrar... Pero nada, también le quedaba pequeño. Desesperado, se fue. Los vecinos tuvieron que aguantarse cuando el desrelojado bote de mermelada les preguntaba la hora.

24/05/07

Nova Guía de Banda Deseñada

A biblioteca aposta pola a aventura e a fantasía, sen esquecer outras posibilidades:

Príncipe Valiente (rei Arturo, cabaleiros...),

Blueberry (clásico del western),

Corto Maltés (a aventura no seu máis elevado sentido),

Fridman (espionaxe),

Thorgal (viquingos e fantasía),

Lobezno, etcétera.



Pero tamén a serie Sambé (amor tráxico e maldito), Carlitos, o Garaje Hermético... de Moebius (ciencia-ficción), dous álbums, a colección de biografías de músicos de jazz, etcétera.



Estes son algúns dos novos documentos que compoñen a nova guía de lectura de banda deseñada e que recentemente chegaron á nosa biblio.



Podes ser estes cómics e outros nas nosas Recomendacións de Banda Deseñada.

18/05/07

Novas recomendacións



create your own slideshow


La aventura, el amor y el misterio son los protagonistas de las nuevas lecturas que te propone la biblioteca. Las podrás encontrar en la sección de "Recomendacións"

17/05/07

Novas recomendacións de películas para rematar o curso

A nosa carteleira propón para este fin de curso, xusto antes dos exames, tres novas películas:

Unha para ver a cara oscura da guerra (Senderos de gloria).

Outra que nos mostra en clave de comedia como se escribiu “Romeo e Xulieta” (Shakespeare in love).

E a última dun personaxe que nos fai ir o contarnos a súa vida e a historia de EEUU no século XX (Forrest Gump)

16/05/07

Nova Guía de lectura de Bioloxía

Na nova guía de lectura de Bioloxía, preséntanse fondos documentais da biblioteca que abordan temas tan interesantes como a importancia do ADN, o cambio climático, a situación dos espazos naturais galegos ou a fauna de Galicia, a clonación , o universo ou as posibilidades lúdicas da ciencia

11/05/07

O Cid xa é cabaleiro

No día de hoxe, Rodrígo Díaz de Vivar foi investido cabaleiro no IES Afonso X O Sabio.

Mentres na porta da biblio Dona Ximena e Babieca esperaban o magno acontecemento, alumnas e alumnos de 1º E investiron cabaleiro ao Cid. Para iso, estes investigadores lograron localizar o nome de todas as pezas da súa armadura; pezas que estaba agochadas polos libros da biblioteca. Posteriormente averiguaron cal era a función de cada peza para, logo, colocarlla ao novo cabaleiro.

Con ista actividade de formación de usuarios e usuarias, o alumnado de 1º da ESO está a perfeccionar o seu dominio do espazo bibliotecario e as técnicas de busca dos nosos fondos.

Ista actividade foi desenvolta grazas á xenerosidade de Carmen Loriga (Biblioteca Uxío Novoneyra do IES Anxel Casal da Coruña)

09/05/07

Benvidos e benvidas

“... Por iso deben ser hoxe as bibliotecas, da máis grande á máis cativa: unidades de universalidade, hábitats integradores, con funcións tamén de filmoteca, discoteca, e nódulo e punto de encontro no ciberespazo.

(...) Se ler é hoxe, neste tempo de arañeira de consumo, é de seu un acto de resistencia, a biblioteca emerxe como un espazo de resistencia.

(...) Hai que transformar a imaxinación en realidades. Por iso é tan importante o hábitat do libro; é o espazo onde se exerce o máis necesario dos dereitos, o dereito a imaxinar.

Manuel Rivas. Por que somos os penúltimos? El País, 30-III-07

A nosa biblioteca

04/05/07

Novidades de banda deseñada

A Biblioteca aposta pola aventura e a fantasía, sen esquecer outras posibilidades: “Príncipe Valiente” (rei Arturo, cabaleiros…),
Blueberry” (clásico del western),
Corto Maltés” (a aventura no seu máis elevado sentido),
Fridman” (espionaxe),
Thorgal“ (viquingos e fantasía),
Lobezno”, etc.

Pero tamén a serie “Sambre” (amor tráxico e maldito), “Carlitos”, o “Garaje Hermético…” de Moebius (ciencia ficción), dous álbums de Max, a colección de biografías de músicos de jazz, etc.

Estes son algúns dos novos documentos de banda deseñada que recentemente chegaron á nosa biblio.

Podes ver estes cómics e outros nas nosas Recomendacións de Banda Deseñada.

Celebración del Día del Libro

Exposición sobre El cantar del mío Cid

Con motivo del 800 aniversario del Cantar de Mío Cid, obra cumbre de la literatura épica europea, el Departamento de Lengua Castellana ha elaborado una exposición, con la colaboración de los departamentos de Geografía e Historia y Dibujo, en la que participaron muchos alumnos del Centro.

En esta exposición se presentan distintos aspectos de la obra, del personaje del Cid, la literatura medieval, obras y personajes coetáneos, etc., así como la cultura y la vida social de la época y además se exponen diferentes ejemplares de la obra del Cantar del Mío Cid.


II Concurso de Relatos Hiperbreves

Dentro de los actos realizados en nuestro centro para conmemorar el Día del Libro, convocamos el II Concurso de Relatos Hiperbreves IES Afonso X "O Sabio".

Este año los ganadores han sido:

Modalidad 1(1º, 2º y 3º de ESO)
-1º Premio: Ana María Vázquez Fernández(2º ESO)con "El verbo estudiar"
-2º Premio:Martín Alonso Barreiro (2ºC ESO)con "Desaparición sospechosa"

Modalidad 2 (4º ESO, Bachillerato, Ciclos y PGS)
-Iago Prada Cortizo (2º Bach. A) con "Sin título"
-Irene Navas Fernández (2º Bach. B) con "Soledad"

Nos alegramos del gran número de participantes, así como de la calidad de los trabajos presentados.

¡Enhorabuena a todos!