28/02/09

Colaboracións do alumnado: A Triloxía de Idhún


"Estes libro gustáronme.

Son uns libros de aventuras que amosan sentimentos coma os ciumes, o amor, a amizade.

Nestes volumes ves como os protagonistas son arrancados da súa mocidade para algo que eles non escolleron.

É unha historia apaixoante con partes aburridas como calquera outro libro.

Ao final terás gañas de que a autora continuara a historia mais desafortunadamente negouse en redondo polo que terás que imaxinarte a seguinte aventura."

Desiré Muñoz

Desde a Biblioteca agradecemos o traballo de Desiré e recomendámosvos a páxina web da autora Laura Gallego, así como outras das súas obras presentes nos nosos andeis.

Créditos da foto.

18/02/09

Convocado o XVI Certame Literario de Cambre


Como en anos anteriores e co obxectivo de estimular a creación literaria e formentar a súa difución entre a mocidade, os Equipos de Normalización e Dinamización Lingüística e os Departamentos de Lingua Galega e Literatura dos dous institutos, as Asociacións de Nais e Pais así como a Concellería de Cultura convocan o XVI Certame Literario de Cambre. Lembrade que hai tres categorías (de 12 a 14 anos, de 15 a 18 anos e de 19 a 26 anos) e dúas modalidades (poesía e narración breve). O Certame está aberto a calquera persoa que entregue orixinais escritos en galego antes do 17 de abril e os premios oscilan entre os 170 e os 400 euros.
A P A R T I C I P A R

11/02/09

Exposición E ti que les?


Que libros te recomendarían os xogadores do Deportivo Manuel Pablo e Sergio? Os poetas Yolanda Castaño e Fernán Vello aconsellaríanche os mesmo libros que o Gayoso ou Miguel de Lira?

O martes dia 10 de febreiro, na semana de San Valentín, a bilblioteca quere facer unha declaración de amor os libros e por iso comenzou a exposición “¿E ti que les?” Promovida polo IES de Sabón (Arteixo), contén as recomendacións de lecturas de escritores e escritoras, pintores e artistas, fotógrafos, músicos e outra xente da cultura galega ata completar un total de 47.


Os paneis que forman parte da exposición conteñen a foto do persoeiro e ao seu carón aparece unha páxina escrita polo mesmo. A mostra completase cun vídeo en onde toman a palabra os invitados e remarcan as propostas con argumentacións en vivo.


Moitos foron os alumnos que se achegaron o recoñecer nas fotos a Manuel Rivas, Gayoso, Paco Lodeiro, Yolanda Castaño, Isaac Díaz Pardo, Miguelanxo Prado, etc… e quedaran sorprendidos coas suxestións que lles facían.


Asi pois, o San Valentín dos libros chegou A Barcala.

06/02/09

Joan Manuel Gisbert na Biblioteca


O vindeiro luns día 9, o prolífico autor de novelas xuvenís Joan Manuel Gisbert, visitará o noso centro. A Biblioteca, en colaboración co Departamento de Lingua Castelá, preparou unha guía de lectura cos libros que temos deste autor no noso fondo de creación. Tamén preparamos un cartel para publicitar a súa presenza así como unha exposición sobre as súas obra na biblioteca.



01/02/09

A frase do mes

José María Merino

"La historia de un lector, de quién tiene el hábito de leer, es la de alguien que vive dos vidas y que por medio de los libros va simultaneando el recorrido de los espacios cotidianos con el de esos otros espacios paralelos de la literatura, llenos de sugerencias y estímulos diferentes de los que puede ofrecer la vida de cada día."

José María Merino, escritor coruñés

Vía Deakialli DocuMental.

Foto vía Antón Castro.