6/4/09

A nova Biblioteca "O bosque animado"

Todas as bibliotecas teñen unha longa historia.

A nosa comeza co propio instituto no ano 2000: equipamento da Consellería, fondos procedentes de doazóns, un ordenador. Dous cursos máis tarde, o equipo da biblioteca redacta un documento para avaliar a situación e deseñar o futuro deste servizo educativo imprescindible ao tempo que solicita do Consello Escolar unha partida orzamentaria extraordinaria para comezar a cambiar o mobiliario. A Concellería de Educación de Cambre aportaría unha partida semellante. Deste xeito adquirimos o revisteiro e os primeiros metros de andeis que xa cumprían os parámetros técnicos profesionais de calquera biblioteca. Comezamos a traballar a Formación e Usuarios e Usuarias, a Alfabetización Informacional, a Promoción da Lectura. A ANPA do centro apoiándonos en todo canto podía...

Posteriormente chegou o Plan de Mellora de Bibliotecas Escolares de Galicia. Afortunadamente fomos seleccionados con outros 39 centros desde o primeira convocatoria (na actualidade o PLAMBE xa traballa con máis de dous centos centros de Galicia –tres deles de Cambre-) o que nos permitiu, ademais de ir actualizando a colección documental, ir completando o equipamento informático e de mobiliario. Desde a Dirección do centro facilitábase a dedicación horaria da persoa responsable e do Equipo da Biblioteca. Instalouse un canón de proxección...

A finais de 2008 o Ministerio de Educación concedeunos o Terceiro Premio de Boas Prácticas de Bibliotecas Escolares. Cos cartos deste premio cambios as mesas e as cadeiras, instalamos internet sen fíos, unha pantalla no teito, megafonía e algunha outra pequena modificación.

Tras case dez anos de traballo e ilusión podemos dicir con orgullo que a nosa comunidade educativa goza dunhas instalacións autenticamente bibliotecarias. Resta moito, moitísimo por facer (integración da biblioteca e dos seus recursos no proceso de ensinanza-aprendizaxe, desenvolvemento das competencias básicas, habilidades en ALFIN, integración da promoción lectora en todas as áreas coa coordinación da biblioteca, avaliación do servizo...) mais non será por ilusión e traballo que non as academos.

A gozar da vosa biblioteca.



17 comentarios:

Sira dijo...

Bos días e parabéns polo proxecto. qué bonitas son as mesas e cadeiras novas!!!
se necesitades colaboración, estou dispoñible... ;o)

un abrazo, Sira.

Loly dijo...

Unha fermosísima biblioteca tras da que se atopa un magnífico proxecto levado a cabo por un grupo de profesionais comprometidos coa súa labor docente.
Parabéns Toño polo voso bo facer.
Apertas dende Fene!!

bibliotecadocole dijo...

Parabens por esa biblioteca fermosísima, onde se aprecia o gusto do bibliotecario polo deseño,os anos de traballo para clarificar e delimitar espacios,..un camiño que algúns ainda estamos empezando.
Biquiños dende Moaña

Paramio dijo...

¡Qué mesas! ¡Qué sillas!¡Qué cambio! ¡Qué envidia! ¡Qué...! ¿Qué la disfrutéis y que la disfruten! ¡Enhorabuena!
Un abrazo, de una mesa racionalista.

Bibliomanía dijo...

Un modelo a seguir de bo gusto e funcionalidade que teríase que propagar como unha ráfaga.
Que a disfrutedes!!!

Saúdos dende Sanxenxo.

olga dijo...

Pero...¿iso que vexo é unha biblioteca escolar? ¿ti non nos estarás enganado e poñendo unhas fotos dalgún catálogo? Uhmmmmm!!!
Por se fora certo que esa é de verdade a biblioteca escolar dun instituto da rede pública...PARABENS a quen perseguiu ese SOÑO ata acadalo.

Biblioteca Pino Manso dijo...

Una biblioteca preciosa y muchas horas de trabajo detrás. Felicidades

Órbil dijo...

A vosa comunidade educativa é unha privilexiada. Un exemplo para nós.

Parabéns desde Mos.

Anónimo dijo...

Preciosa biblioteca.
Xa diredes onde mercades esas mesas e sillas (envexa sana)
Un saúdo
María dende Viveiro

Carmen Suárez dijo...

Parabéns pola nova biblioteca, agora toca gozar dela.

CEIP San Martiño dijo...

Dende San Martiño noraboa por esa fantástica Biblioteca. Solo vela xa fomenta á lectura...

O Segrel do Penedo dijo...

"O Bosque Animado" é unha das Bibliotecas Escolares máis máxica e fermosa que coñecemos, así que podedes pasar por O Segrel a recoller ese recoñecemento.

Ceip Condesa de Fenosa dijo...

Noraboa pola biblio. A disfrutala con marabillosas, tenras, esclarecedoras... lecturas!

Marina dijo...

Cada día está máis bonita, é preciosa, e sobre todo é marabilloso o traballo que facedes

adelaida dijo...

Ánimo a esa biblio tan fermosa neste novo trimestre!!Saúdos dende o ceip Belesar.

Chispa dijo...

Libros, espazos, luz e encanto en perfecta harmonía. Felicidades mericidas e apertas desde a Biblio do CEIP de Pazos.

Beni dijo...

A pesares da bromiña do correo, sabedes que aspiramos a ser coma vós. Parabéns para aqueles que teñen a cabeza tan ben "amueblada" como a súa biblio.