Visitamos a Biblioteca Pública Miguel González Garcés

O martes 13 de novembro os/as alumnos/as da materia de INVESTIGACIÓN E TRATAMENTO DA INFORMACIÓN do curso 2º de ESO coñeceron o funcionamento da Biblioteca Pública Miguel González Garcés, situada na cidade de A Coruña.

Na biblioteca foron recibidos por duas traballadoras da mesma que lles explicaron como acceder a ela a través de internet, lles ensinaron as diversas localizacións: biblioteca infantil, hemeroteca, fonoteca, biblioteca xeral... e tamén o procedemento para localizar libros, rexistrar o préstamo e proceder á devolución.

Expresamos o noso agradecemento ao persoal da biblioteca polo bo trato e a atención que nos adicaron.

Días despois o alumnado plasmou parte desa experiencia nuns murais na biblioteca do noso IES, ademais de amosar as bibliotecas públicas da nosa contorna.

Andrea Maceiras Premio Lazarillo 2018

Andrea na súa/nosa biblioteca

Andrea Maceiras, ex-alumna no noso IES acaba de recibir o importante premio Lazarillo 2018 na modalidade de Creación Literaria. O xurado acordou conceder o premio á obra Rusgalía da que é autora Andrea por seren "unha obra ben artellada e entramada cunha linguaxe poética con fermosísimas escenas que te transportan a un mundo galáctico. Unha aposta á imaxinación desbordante e á ciencia ficción" segundo podemos ler en Babar.

Parabéns, Andrea.

Emma Pedreira: Besta do seu sangue

A multifacética escritora Emma Pedreira, Premio Xerais de Novela 2018, asinou a súa última obra para a nosa biblioteca. UNha obra cunha moi coidada trama narrativa e cómpre lela sen para. Moitas grazas Emma.

25 de Novembro: contra a violencia de xénero

Tamén podedes ver e escoitar os seguintes vídeos:

Amaral: Salir corriendo

Rozalén: La puerta violeta

Bebe: Ella

Bebe: Malo eres

Rosana: Pa´ti no estoy

Melody: Vete de aquí

Mónica Fernández: Vestida de rosa

Suspiros del Sur: No le temas

Mónica Fernández: Tú me vas a matar

Huecco: Se acabaron las lágrimas

Rozalén e Estopa: Vivir

Exposición "Lugares para soñar"

Dende o 7 ata o 15 de novembro puidemos visitar na biblioteca do centro a exposición de Xeografía “Lugares para soñar”.

O alumnado de 1º ESO, como remate da unidade sobre as formas de relevo, presentou traballos sobre lugares singulares que podemos atopar no noso planeta.

Algúns dos lugares escollidos foron o Everest,  teito do mundo; as paradisíacas Illas Cíes; as fermosas fragas do río Eume, o lago  Hillier e a súa estrana cor rosada; ademais de covas, cascadas, icebergs e outros moitos lugares do mundo que nos gustaría visitar nalgunha ocasión. Son  lugares para soñar.

Novembro, mes do terror

Exposición de libros sobre medo, terror.