Celso F. Sanmartín no noso Instituto

O ENL, o Departamento de Galego e a Biblioteca presentaron na tarde do pasado 19 de maio, a actuación de Celso F. Sanmartín, contacontos profesional, ao alumnado de 1º da ESO en dúas sesións.

A súa actuación resultou moi do agrado de todos os alumnos e alumnas, sendo moi aplaudida. Centrouse na importancia da lituratura oral e dos contos que lle contaban os seus avós ademais doutros que foi recollendo por Galicia e mesmo no estranxeiro. A súa capacidade para capturar a atención do alumnado é soberbia. Un silenzo absoluto, unhas gargalladas inmensas.

A partir desa actuación motivadora a prol de fomentar o uso oral e escrito do galego, os nosos alumnos e alumnas, axudados polas súas profesoras, escribirán os seus propios contos ou historias, para, logo, contalas aos seus compañeiros e compañeiras de aula e mesmo nun festival que se deenvolverá o vindeiro mércores 27, coa particpación dos mellores de cada grupo.

Andrea Maceiras presentounos "Proxecto Bolboreta"

O pasado 12 de maio achegouse ao salón de actos do centro Andrea Maceiras (ex-alumna do instituto e actualmente estudante de Filoloxía Hispánica) para falar da súa última obra -Proxecto Bolboreta- e desvelar algún dos segredos latentes na súa relación creativa coa palabra. Aclarou entre outras cousas cal é o lugar sen lugar da literatura; a que se chama premio Ignobel; en que consiste ese novo xénero literario coñecido como micronovela e ao que a súa propia obra pertence; ou, en fin, cal foi o motivo que a levou a entrelazar unha chea de pequenas historias ao redor do bater, sen consecuencias inmediatamente visibles, das ás dunha bolboreta.

Dende aquí queremos agradecer a xenerosidade coa que respondeu as preguntas e dúbidas dos que asistimos á conferencia, e a alegría coa que nos invitou e tentou a escribir.

Andrea Maceiras. Proxecto Bolboreta. Vigo, Xerais, col. Fóra de xogo. 2008. Premio Certame Micronovela Concello de Soutomaior 2007.

Día das letras: Ramón Piñeiro

Máis información sobre Ramón Piñeiro e Vía do vídeo: Letras Galegas. 1.bp

E grazas a un dos blogues preferidos, Mesturas, podemos disfrutar doutro vído da iniciativa Ponte nas ondas:

Ramón Piñeiro na Biblioteca

Co gallo do Día das Nosas Letras, "O bosque animado" preparou unha selección das obras editadas sobre a vida e obra de Ramón Piñeiro.

Mario Pereira no Club de Lectura

Como unha actividade que serviu para poñer, case, remate ao Club de Lectura de 1º da ESO (o alumnado insiste en non dalo por rematado e continuar lendo algún libro máis) esta semana visitounos Mario Pereira autor de “Contos para Manuela”

Desenvolvemos a actividade na biblioteca, onde senón?, nun ambiente relaxado e tranquilo polo autor, frenético e nervioso polo alumnado. Comezou Mario léndonos un conto para logo facilitarnos algunhas claves interpretativas. De feito ao alumnado iso de buscar claves interpretativas encántalles, atopando moitísimas respostas a calquera pregunta do escritor.

Posteriormente Mario Pereira tivo a ben facerlles sentir moi protagonistas aos rapaces e ás rapaces posto que lles pediu que leran os seus propios finais para algún dos contos do libro. Sempre atopou palabras de alento para cada un deles, sempre atopou argumentos positivos para cada un dos novos finais propostos, por moi breves ou extensos que foran.

Finalmente agasallounos cun novo conto aínda non publicado (canto pode dar de si ese animal tan contista como é o lobo). Foi toda unha marabillosa lectura dramatizada onde interviron algunhas das características dos seus contos: os animais e o sentido do humor. Unha magnífica experiencia. E para sopresa, no remate, fíxonos outro agasallo: o seu libro "Velaí vai o verme" adicado á Biblioteca "O bosque animado"

Moitas grazas Mario

O Rap da Lingua

Vía Un rato na biblioteca coñecimos este RAP DA LINGUA do grupo Migallas. Que vos guste.

A frase do mes

"Lembro o que escribiu Baudelaire nos seus cadernos, no sentido de que abondaba unha milla de mar para ter unha idea do infinito. Pois ben, tamén os libros somo como esa milla Baudelaire. Son infinitos virtuais que nos axudan a comprender esoutro infinito da experiencia humana."

Bernado Atxaga

Cita recollida en Ditos sobre o libro e a lectura. Escolma a cargo de Xavier Seoane. Concello da Coruña, 23 de abril de 2009, páx. 12.

Imaxe vía Kalipedia.