Este ano, para conmemorar o día da muller e nena na ciencia, estamos organizando desde a biblioteca un concurso que se celebrará o venres 10 de febreiro nos recreos de Secundaria na que teredes que demostrar o voso coñecemento das científicas.
Na celebración do día da paz non se nos ocorre mellor forma de propagar a paz entre o alumnado que repartindo as nosas mochilas viaxeiras viaxeiras (incluídas no programa Lectura e familias) cunha selección de lecturas e películas para desfrutar en familia e que desenvolven ideais para vivir nunha sociedade que rechace a violencia e acepte a todo o mundo por igual:
Ademais, incluímos unha libreta para que podades anotar as vosas reflexións e as das vosos familiares. Na biblioteca, impórtanos moito as vosas opinións e esperamos que desfrutedes desta actividade en compañía que retomamos con tanta ilusión.
Este 30 de xaneiro queremos deternos na importancia da ilustración na literatura. Álbums ilustrados, bandas deseñadas ou mangas, entre outros, cada vez teñen máis presenza nas nosas lecturas.
Ademais, este foi o día que a Xunta seleccionou conmemorar na súa décima edición o nacemento de Castelao en Galicia. Por iso, comeza no noso centro a semana de Castelao gracias ao traballo de dinamización lingüística e o departamento de galego. Podedes visitar a exposción das súas obras e dos traballos do alumnado interpretándoas:
.jpg)
Hoxe é o día no que se conmemora a liberación en 1945 dos prisioneiros do campo de concentración e exterminio nazi de Auschwittz-Birkenau (Polonia) por parte das tropas soviéticas. En novembro de 2005, esta data foi proclamada oficialmente día Internacional en Memoria das Vítimas de Holocausto. En tempos tan complexos como os que nos tocou vivir, consideramos que é fundamental coñecer a historia para non cometer os mesmos erros no futuro. Desde a biblioteca, suxerímosvos unha serie de lecturas duras, aínda que necesarias para poder coñecer os horrores da II Guerra Mundial:
