21 marzo: día da poesía

 POETÍZATE

       Coa primavera, chega o día da poesía. Nesta ocasión, continuamos co proxecto Habelas hainas e na biblioteca fixemos unha exposición na que recollemos una escolma de poetas (Antía Otero, Luísa Villalta, Alba Cid, Dores Tembrás, Lúa Mosquetera...) que están no noso catálogo e que podedes levar con vós. Para nós, a poesía é un lugar seguro no que estar e ser.  

      Ademais, temos un concurso de recitado poético no que necesitamos a vosa axuda. Os finalistas están expostos na biblioteca co texto e un código QR que vos levará á declamación correspondente. Pasade pola biblioteca a votar o voso recitado favorito

           

      Desde o Departamento de Lingua Castelá e Literatura, os alumnos de 3º ESO realizaron durante a semana pasada grafitis poéticos na biblioteca. Deste xeito unimos dous mundo que para a rapazada están moi lonxe, pero que descubriron que realmente non é así. Traballaron con grandes da poesía como Silvia Plath, Idea Vilariño, Pizarnik o Carolina Coronado y nuevos talentos como Lúa Mosquetera o Miriam Reyes.

       Podedes pasarvos polo vestíbulo para poder ver todas as creacións poéticas e levar versos que están colgados como se fosen anuncios.

        Desde o Departamento de Lingua Galega e Literatura, o alumnado creou pulseiras con versos de Luísa Villalta como primeira aproximación para celebrar a autora das Letras de este ano.

       Por último, o alumnao de Oratoria tamén quixo celebrar este día elaborando diferentes vídeo poemas que deixamos a continuación para que desfrutedes deles.

            

      Esperamos que con todo isto teñades moitas ganas de ler poesía. Aquí tedes algunhas ideas para que vos acheguedes ao mundo marabilloso da poesía:

 ENCONTRO CON MARILAR ALEIXANDRE   

      No día de hoxe tivemos o pracer de poder conversar coa escritora Marilar Alexandre da súa obra As malas mulleres. O alumnado de Bacharelato (incluídos os integrantes dos clubs eclécticos) puido plantexarle todas as dúbidas que apareceron ao debatir sobre a súa obra e darlle a coñercer as súas impresións sobre a historia, a contextualización no século XIX e o seu estilo de escrita. Ademais, ela contounos multitude de datos curiosos sobre a cárcere de mulleres de A Coruña.

17 de marzo: día do cómic

 A VIDA EN VIÑETAS 

      Hoxe celebramos o día do cómic coa esperanza de que cada vez máis as bandas deseñadas de todo tipo formen parte das vosas lecturas. Para o equipo da biblioteca este tipo de lecturas é fundamental para poder adentrarte en calquera temática cun linguaxe visual propio. Sen embargo, somos conscientes de que aínda quedan moitos prexuízos que romper con respecto ao mundo da banda deseñada. Por iso, organizamos diversas actividades nas que eixo central foi a creación e lectura de cómic.

       O alumnado de 2º ESO aprendeu da mán da profesora de Lingua Castelá e Literatura os elementos específicos da linguaxe do cómic, onde o visual ten tanta importancia (ou máis dependendo do caso) que o guion. Por iso, converteron en viñetas escenas cotidiás, coidando moito a elección de cores e a distribución das viñetas.

     Ademais, como entro o alumnado hai moito afecionado ao manga e o anime, na biblioteca fixemos a nosa especial homenaxe a Akira Toriyama (recentemente falecido). Inventamos novos personaxes partindo da cara do Goku, un dos presonaxes míticos de Akira.

      Dentro de proxecto Habelas hainas, na biblioteca preparamos unha exposición con autoras de banda deseñada para darlles máis visibilización nun mundo que se ten relacionado máis cos homes. Podedes pasar pola biblioteca a levar calquera destas recomendacións lectoras.

8M

A LOITA CONTINÚA

      Este é un día sinalado no noso calendario como esencial. Temos que visibilizar a necesidade dunha sociedade feminista. Por iso, como é constume, vestimos o noso centro de morado.

      Ademais, este ano preparamos actividades diversas onde o eixo conductor é a muller. Os alumnos de 3º ESO investigaron  sobre escritoras desde o medioevo ata actualidade para darlles a visibilidade que merecen. O resultado final deste traballo de investigación forma parte da exposción Habelas hainas que podedes descubrir tanto á entrada da biblioteca como dentro.

       Tamén levamos a cabo a campaña Le e entende  na que se mostra una escolma de obras fundamentais para entender o feminismo e a súa importancia. 

          Por último, invitamos á toda a comunidade educativa e ás familias a ler máis mulleres  endulzando a súa lectura cun agasallo para todos aqueles que levaron para a súa casa a obra dunha escritora.    

        Ademais, tal e como costume no centro, xuntámonos no vestíbulo para visibilizar que a loita continúa.