28/04/23

LECTURAS E FAMILIAS

Neste mes de maio, disfrutaremos na biblioteca do noso centro das seguintes charlas a partir das 18:30 horas:

Martes 9 de maio: A lectura tamén é para xente de ciencias. Dante de Eldrich Gate faranos adentrarnos nos xogos que están conectados coa literatura para que aprendamos a xogar e ler en familia.

Martes 16 de maio: Aproximación ao mundo do cómic/banda deseñada: Outra forma de potenciar a lectura. Nesta ocasión, exploraremos da man de Toño Vilaverde as posibilidades que ten a banda deseñada para acercar a lectura á adolescencia. Ademais, ofrecerá estratexias varias para poder atopar a banda deseñada para cada membro da familia.

Martes 23 de maio: A biblioteca como colaboradora das familias. Cristina Ameijeiras explicaranos como a biblioteca pode converterse en punto de encontro para toda a familia gracias ás múltiples posibilidades que nos ofrece.

Desde a biblioteca, esperamos que esteades interesados e vos inscribades no seguinte formulario

25/04/23

LONGA VIDA AOS LIBROS!

Onte foi o día do libro, ese amigo infatigable que nos axuda a viaxar coa mente sen saír da casa e que nos fai compañía en todo momento de maneira incondicional. Na biblioteca compartimos as palabras que pronunciou o gran Federico García Lorca na inaguración da biblioteca de Fuente Vaqueros: "Se tivese fame e estivese desvalido na rúa non pediría un pan, senón que pediría medio pan e un libro". Por iso, a semana pasada todos os membros da comunidade educativa afanámonos en renderlle a nosa mellor homenaxe.

O concurso de bookface que se plantexou desde a biblioteca foi todo un éxito de participación e o resultado final é extraordinario, tal e como se pode ver a continuación:

Ademais, no vestíbulo do centro aparecen todos os participantes para que podades atopar o voso e valorar o resto de fotografías dos compañeiros.

Gracias ao departamento de Lingua Galega e ao esforzo do alumnado de 1º da ESO, podemos desfurtar dunha minibiblioteca que construíron con moita paciencia e delicadeza

Para contribuír á semana das letras, o departamento de Lingua Castelá traballou con todo o alumnado as diversas manifestacións literarias que aparecen recollidas nos libros e están expostas no vestíbulo xunto coa minibiblioteca.

Ademais, hoxe pola tarde celebrouse a entrega de premios do XVIII certame literario "Sea breve, por favor" coa actuación do grupo de teatro e do coro para amenizar a cerimonia

Se queredes ler os microrrelatos gañadores, podedes facelo aquí

24/04/23

Charla banda deseñada adiada

ADIADA A CHARLA SOBRE BANDA DESEÑADA

Por cuestións alleas á biblioteca, a charla sobre banda deseñada que tería lugar mañá martes 25 de abril trasládase ao 16 de maio á mesma hora e no mesmo lugar. Desculpade as molestias.

19/04/23

Lectura e familias: manga

APROXIMACIÓN AO MANGA

Onte tivemos a primeira sesión do programa Lectura e familias: Entender o manga. Introdución e orientacións para toda a familia. Lara Portela ofreceunos un percorrido polos diferentes xéneros que existen dentro do manga e dounos trucos para poder diferenciar o manga para adolescentes do manga para adultos e pautas a ter en conta cando nos aproximamos á este tipo de literatura (como a brecha de xénero ou a sexualización feminina).

Desde a biblioteca, queremos agradecer a Lara a amena charla na que compartiu con nós os seus amplos coñecementos do mundo do manga. Tamén estamos dar as grazas ás familias por participar e facer posible o intercambio de opinións sobre este tema.

A continuación, deixamos unha pequena mostra das lecturas que nos recomendou Lara e que podedes atopar na nosa biblioteca, aínda que hai moitas máis:

Manga para adolescente (tanto Shomem como shojo)

Manga para adultos (tanto seinen como yosei)

15/04/23

15 abril: día da arte

O ARTE É VIDA

O 15 de abril foi a data seleccionada para celebrar o día internacional da Arte, coincidindo co nacemento dun dos artismas máis infuíntes da historia: Leonardo da Vinci. Con el, búscase concienciar da súa importancia e da influencia que ten o pensamento creativo nas vidas das persoas. Ademais, a arte é unha forma de expresión que nos axuda a sentirnos mellor, entre outras causas, porque fortale a nosa autoestima, reduce os niveis de estrés e ansiedade, potencia a memoria, mellor a concentración e axuda a coordinación

Para celebrar este día, recomendamos aunar dúas das nosas pasiones: arte e literatura coas seguintes obras de Carlos del Amor, O autor fai unha selección persoal de cadros importantes para el e ofrécenos tanto datos curisosos como unha historia inventada sobre cada un deles:

11/04/23

Lectura e familias (abril)

LECTURA E FAMILIAS

A biblioteca organizará ata final de curso unha serie de xornadas para fomentar a lectura de toda a unidade familiar que se inclúen dentro do programa da consellería de Educación “Lectura e familias”.

Nas últimas semanas de abril, disfrutaremos das seguintes charlas na biblioteca do noso centro a partir das 18:30 horas:

Martes 18 de abril: Entender o manga: Introdución e orientacións para toda a familia.

Para poder comprender os diferentes tipos de manga que existen e poder seleccionar con criterio as nosas lecturas entre a enorme variedade que ofrece o mercado, conversaremos con Lara Portela, librera especializada na materia e que compartirá con nós nocións básicas para poder apreciar este mundo literario propio da cultura xaponesa que está vivindo un auténtico boom na actualidade.

Martes 25 de abril: Aproximación ao mundo do cómic/banda deseñada. Outra forma de potenciar a lectura.

Nesta ocasión, exploraremos as inmensas posibilidades que ten a banda deseñada para poder acercar a lectura á adolescencia, unha xeración eminentemente visual. Para iso, contaremos co Toño Vilaverde, voz experta en cómic europeo e americano, quen ofrecerá estratexias varias para poder atopar a banda deseñada adecuada para cada lector.

Desde a Biblioteca, esperamos que esteades interesados e vos inscribades no seguinte formulario

Esopías feria matemática

APOIA AS NOSAS ESOPÍAS

Estamos de noraboa porque seleccionaron varias esopías do noso alumnado para participar no concurso da feria matemática que se celebrará o 15 de abril. Parabéns aos seleccionados e moita sorte.

Se queredes apoialos, podedes votar aquí

10/04/23

Concurso do día do libro

CONSURSO DÍA DO LIBRO

Para toda persoa que lle gusta ler, o 23 de abril é unha data moi especial. Por iso, animamos a todo o alumnado a participar no concurso de Bookface. Só tedes que facer unha fotografía na que a túa cara (ou calquera parte do teu corpo) fúndase coa cuberta dun libro. Na biblioteca temos moitos libros que podes escoller para a foto, pero tamén serve calquera que teñas casa. Cando xa teñades as fotografías, tedes que mandalas ao correo da biblioteca antes do 23 de abril, indicando nome, apelidos e curso.

06/04/23

O principiño: 80 anos

O principiño cumple anos

Hoxe é un día moi especial porque este clásico da literatura universal cumple anos. O 6 de abril de 1943 a editorial Reynal & Hitchcock publicou por primeira vez O principiño, a fábula atemporal do escritor e piloto Antoine de Saint-Exupéry, quen faleceu nun accidente de aviación un ano e pouco despois, en xullo do 44, sen ser consciente da fama que lle ía a proporcionar esta obra.

Estas son as páxinas interiores desa primeira edición:

Na biblioteca temos exemplares en diferentes idiomas para que os levedes para casa e podades disfrutar coa súa lectura. Tamén está a vosa disposición a adaptación cinematográfica:

Os integrantes do club de lectura O bosque animado, tras a lectura da obra, realizaron marcapáxinas inspirados nesta marabillosa obra e incluíron citas do mesmo que quedarán sempre na súa memoria. O resultado é precioso: