21 marzo: día da poesía

 POETÍZATE

       Coa primavera, chega o día da poesía. Nesta ocasión, continuamos co proxecto Habelas hainas e na biblioteca fixemos unha exposición na que recollemos una escolma de poetas (Antía Otero, Luísa Villalta, Alba Cid, Dores Tembrás, Lúa Mosquetera...) que están no noso catálogo e que podedes levar con vós. Para nós, a poesía é un lugar seguro no que estar e ser.  

      Ademais, temos un concurso de recitado poético no que necesitamos a vosa axuda. Os finalistas están expostos na biblioteca co texto e un código QR que vos levará á declamación correspondente. Pasade pola biblioteca a votar o voso recitado favorito

           

      Desde o Departamento de Lingua Castelá e Literatura, os alumnos de 3º ESO realizaron durante a semana pasada grafitis poéticos na biblioteca. Deste xeito unimos dous mundo que para a rapazada están moi lonxe, pero que descubriron que realmente non é así. Traballaron con grandes da poesía como Silvia Plath, Idea Vilariño, Pizarnik o Carolina Coronado y nuevos talentos como Lúa Mosquetera o Miriam Reyes.

       Podedes pasarvos polo vestíbulo para poder ver todas as creacións poéticas e levar versos que están colgados como se fosen anuncios.

        Desde o Departamento de Lingua Galega e Literatura, o alumnado creou pulseiras con versos de Luísa Villalta como primeira aproximación para celebrar a autora das Letras de este ano.

       Por último, o alumnao de Oratoria tamén quixo celebrar este día elaborando diferentes vídeo poemas que deixamos a continuación para que desfrutedes deles.

            

      Esperamos que con todo isto teñades moitas ganas de ler poesía. Aquí tedes algunhas ideas para que vos acheguedes ao mundo marabilloso da poesía:

Encontro con Dores Tembrás

 ENXERTANDO POESÍA NAS NOSAS VIDAS

       Hoxe foi un día moi especial para nós. Visitou a nosa biblioteca Dores Tembrás para falar de poesía co alumnado de 2º ESO e do club de lectura de 1º Bacharelato grazas ao MEC.

      Alicia, Natalia, Lucía e Carolina conduciron este encontro con gran maestría grazas ao análise que fixeran do último poemario de Dores (Enxertos) e a súa labor de documentación sobre a poeta e editora. Grazas a isto, coñecemos os pormenores da Dores lectora, poeta e editora e namoronos.

     Ademais, Dores iniciounos na creación poética no obradoiro de escrita creativa que fixo ao finalizar o encontro. Grazas a ela convertemos a lectura e escrita nun acto de rebeldía no que buscamos a nosa esencia poética.

ENCONTRO CON DORES TEMBRÁS 

     Esta mércores 21 de febreiro, grazas o programa do MEC Encontros literarios con autor@s, teremos a posibilidade de charlar de forma distendida con Dores Tembrás na biblioteca.

      Aquí tedes o videopoema que serviu de presentación do seu último poemario titulado Enxertos, que xa limos no club de lectura de Bacharelato e que está a vosa disposición na biblioteca para que o desfrutedes tanto coma nós. 

Parabéns Yolanda

 PREMIO NACIONAL DE POESÍA

            A poeta galega Yolanda Castaño foi galardoada co premio nacional de poesía que outorga o Ministerio de Cultura e Deportes pola súa obra Materia. O xurado valorou "a poderosa proposta poética na que cada estado da materia exrpésase cun tono propio cunha extraordinaria forza vocativa e sensorial". Este premio non fai máis que constatar que a lírica galega actual atópase nun momento excepcional pois é o segundo ano que un dos nosos poetas recibe tal honra.

          Esta obra que explora maternidad, familia e costumes estivo entre as nosas adquisións do ano pasado. Achégate á  biblioteca para poder disfrutar dela. Tamén podes desfrutar do premio nacional do ano pasado Ismael Ramos. 

21marzo: día da poesía

 CELEBREMOS A POESÍA

       

        Onte chegou a primavera e hoxe celebramos o día mundial da poesía. É unha ocasión perfecta para homenaxear aos e ás poetas, ademais de promover a lectura e escritura deste xénero.

        Como di a poeta Lúa Mosquetera, "a poesía é como esta casas/cíclica, recursiva, contante/reconforta e incomoda a partes iguais/A poesía é o lugar común no que estamos todos hoxe. Axúdanos a partillar todo aquilo que levamos gardado por vergonza ou por medo./A poesía é o logar ao que volver"

        Esta sensibilidade é unha ensinanza fundamental que podemos conseguir gracias á líria. Por iso, este é un día especial para nós, no que organizáronse actividades de toda índole.

        Tivemos o placer de contar coa poeta Estíbaliz Espinosa, que impartiu un obradoiro ao  alumnado de 2º ESO para que non perdan a curiosidade e se acheguen á poesía sen prexuízos.

 

     Desde o departamento de Lingua Castelá, os alumnos de 2º ESO realizaron unha exposición das súas creacións poéticas, Pasade polo vestíbulo para botar unha ollada a estes traballos tan creativos.

        Desde o departamento de Lingua galega, aproveitando o bo tempo, plantaron poemas de Rosalía de Castro. Que importante é sementar poesía!

        Ademais, temos algunha suxestión lírica para que podas levar para casa e así poñas un broche dourado á celebración da poesía.

Día de Rosalía

Para conmemorar o día de Rosalía fixemos subir os versos polas escaleiras para que todo o mundo se sentise próximo á poesía rosaliana.

Escollemos dous poemas, A xustiza pola man e Xan. Tamén os puidemos escoitar músicados:

A xustiza pola man, Nao:

E Xan: 

Uxía Senlle:

Quempallou:

Manolo Rivas no IES Afonso X O Sabio

Días atrás o alumnado de Bacharelato tivo a oportunidade de celebrar a entrada da primavera e o día da poesía na compaña dun dos escritores galegos de maior proxección internacional.

Manuel Rivas, nesta actividade organizada pola editorial Xerais en colaboración co Departamento de Lingua e Literatura Galegas, EDLG e Biblioteca, falou ao longo de case unha hora ante un público atento e interesado nas súas palabras; falou da importancia da literatura oral, explicou o porqué dos seus libros, da súa escrita, realizou unha emocionada lectura de poemas, algúns sobre os personaxes do libro "As voces baixas", en especial os seus avós. Esta é una obra escrita en clave autobiográfica, a modo de homenaxe do autor ás voces daquelas persoas que na escura época da ditadura franquista non podían elevarse para expresar a súa opinión libremente. Familia, amizades, infancia, medos, amores… A memoria dunha época na pluma dun escritor comprometido coa súa terra e orgulloso das súas orixes.

Ao remate asinou exemplares das súas obras a quen llo pediu, realizando fermosas dedicatorias personalizadas con mensaxes que transmitían bos desexos, afouteza, liberdade, respecto e folgos para a mocidade.

A Biblioteca preparou unha pequena guía de lectura coas obras que temos deste autor así como unha exposición das mesmas.

Texto procente do Blog de Actividades Complementarias.

"Cómic e literatura", novo club de lectura

Comunicamos mediante esta entrada que o club de lectura dedicado a "Cómic e literatura" dará comezo como tal a semana que entra. Seremos, en principio, unhas cinco persoas, máis dúas que estarán con nós vía internet, no blog, como outros anos. Pode que se sume alguén máis; sucede ás veces.

Para máis información (qué pretendemos facer, qué autores trataremos, qué tipo de cómics, etc.), ver no noso blog.

E xa está, creo.

   PS: Premendo un pouco máis abaixo sobre a etiqueta "Cómic" pódense ver outras entradas dedicadas neste blog (Biblioafonso)aos cómics.

 

Lois Pereiro: trípticos

Como unha das actividades realacionadas coa celebración do Días das Letras, a Biblioteca preparou uns trípticos para colocar sobre as mesas, adicados Lois Pereiro. Eses trípticos compóñense dunha ilustración sobre o autor, un anaco da súa biografía e un poema. Hai oito mesas e, polo tanto, oito trípticos.

Open publication - Free publishing - More arce

Miguel Hernández: exposición conmemorativa do seu centario

Co gallo da visita de alumando e profesorado dos centros cos que compartimos o Proxecto ARCE, teremos a oportunidade de contemplar a magnífica exposición que sobre Miguel Hernández, co gallo do seu primeiro centenario, preparou a biblioteca A Esperela do IES Mosteirón. Son un total de 15 paneis a dobre cara nun tamaño de 90 x 60 centímetros e de fermoso deseño. Parabéns polo traballo e moitas grazas por compartila.

Open publication - Free publishing - More biblioafonso

28 de febreiro: Día de Andalucía

Os compañeiros e compañeiras do IES Siglo XXI de Sevilla, veñen de presentarnos a seguinte selección de poetas andaluces. Fantástico traballo.

Open publication - Free publishing - More poesia

ARCE: seleccción de poemas escritos por mujeres

Como una de las actividades del Programa ARCE, el alumnado de 4º de la ESO prepará una selección de poemas escritos por mujeres para su lectura en Sevilla a finales de noviembre.

Nuestra selección no pretendía en modo alguno ser muestrario de una canónica periodización ni glosario temático o estilístico de la poesía escrita por mujeres. Nos hemos guiado por el corazón y el oído: latidos y ritmos que mujeres escritoras transformaron en palabras.
Por supuesto, sabíamos que el broche lo pondría Rosalía, voz poética gallega por antonomasia, arranque de la historia de la literatura gallega (y femenina) contemporánea. Del siglo XX, de entre las autoras de la generación de 1936-50, escogimos a Pura Vázquez y a Luz Pozo, en cuya poesía ya se revela cierta especificidad femenina, aún cercana a los prototipos de género acuñados por la tradición.
Ansias de autoafirmación, de reconocimiento, de libertad nos ofrece Xohana Torres en “Penélope”; su Eu tamén navegar es ya un himno de la reivindicación de la condición femenina.
Poetas que empiezan a publicar y saborear las mieles de los premios literarios en los 80 son Blanca Andreu o Luisa Castro, quien se decanta posteriormente por la narrativa con igual o mayor reconocimiento.
Y llegan los 90, década en que la voz femenina brota a borbotones en Galicia, se “come” los premios literarios, cobra matices cercanos al feminismo, coquetea con el nacionalismo, juega con un nuevo lenguaje social y erótico sin complejos y reelabora mitos clásicos (Chus Pato, María do Cebreiro, Yolanda Castaño).
Quisimos también incluir en nuestra selección la voz profunda y madura de Julia Uceda, sevillana de nacimiento, pero arraigada profesional y personalmente en tierras ferrolanas; y la de la asturiana Olvido García Valdés, que nos muestra la totalidad de un mundo sin tener que hacer referencias culturales explícitas, sino asumidas, cuyo eco claro y límpido brota de un cúmulo de emociones sentidas.

Open publication - Free publishing - More poesia

Celso Emilio Ferreiro rapeado por García

Celso Emilio Ferreiro en versión rap con García, mc de “Dios Ke Te Crew”, como colofón da charla que ofreceu, na biblioteca municiapal da Sagrada Familia na Coruña, sobre o movemento Hip-Hop co título “A xuntanza das Artes”. Unha delicia.

Visto e lido no Facebook das Bibliotecas Municiapais da Coruña

A Fraga da Poesía

Colgadas do teito no corredor exterior da biblioteca estiveron ao longo do curso una serie de poesías. Os versos estaban escritos en grandes papeis con un fondo fotográfico e trataban de semellar follas dos árbores da nosa particular fraga, a Fraga da Poesía. Cada certo tempo eran sustituídas por outra quenda, como si se tratase de sucesivos outonos e primaveras.

A temática foi moi variada, pois atendía simplemente o gusto dos que as selecionaban. O mesmo pasaba cos autores, aínda que predominaban os do século XX tanto galegos como casteláns. Deste xeito toda a comunidade poido ver e ler máis de dúas ducias de fragmentos de Novoneyra, Machado, García Montero, Lorca, Celso Emilio, Rosalía... con tan só pasear polos arredores do noso Bosque Animado ou polo centro posto que colocáronse varias copias polos corredores.

Open publication - Free publishing - More poesia

Exposición de François: Poesía e Fotografía

O compañeiro e membro do Equipo da Biblioteca O Bosque Animado, François Davo vén de inaugurar a seguinte exposición:

Exposición “Encontro en Puruchuco”. Poemas de François Davo e fotografías de Gustavo García Roig.
Hotel NH Atlántico. A Coruña. Do 14 de maio ao 30 de xuño de 2010.


Encontro en Puruchuco é unha enriquecedora experiencia creativa realizada polo poeta François Davo e o fotógrafo Gustavo García Roig. Unha serie de imaxes e poemas sobre Puruchuco, antiga cidadela preinca de Perú (século xv), conforman o eixo dese proxecto dando como resultado a linguaxe artística de foto/poesía.

François Davo (Le Mans, Francia, 1966), licenciado en Letras e civilizacións ibéricas pola Universidade da Sorbona, reside na Coruña desde o ano 2000. É profesor de francés no IES Afonso X o sabio de Cambre. Como poeta gañou no ano 1993 o XIII premio Esquío de poesía. Inicialmente poeta en lingua francesa, a súa lingua materna, tamén experimenta desde a súa residencia en Galicia a escrita dunha obra directamente en galego. É traductor de poetas galegos ao francés (Miguel Anxo Fernán Vello, Manuel María, Uxío Novoneyra, Ánxeles Penas, Xosé Luis Méndez Ferrín, etc.). Tamén é traductor, man con man con Dulce Fernández Graña, de obras francesas ao galego, entre as que destaca As palabras de Jean-Paul Sartre (Laiovento 1999, reeditado na colección Biblioteca 100, La Voz de Galicia, 2003).

“Encontro en Puruchuco” é o primeiro proxecto en común con Gustavo García Roig, con quen ten en preparación algunha que outra exposición a cargo da Alliance française de Vigo e Madrid e o libro Le monde habité sobre o dolmen de Axeitos.

Gustavo García Roig, fotógrafo afincado na Coruña desde o ano 2001. Posue unha amplia experiencia en reportaxes non convencionais e traballos desde un enfoque máxico/antropolóxico relacionados co mundo andino. Expuxou en Bos Aires, Lima, Madrid, Valencia e Galicia. Nas súas últimas exposicións aprofundou nos vestixios das civilizacións prehistóricas de Galicia onde os dolmens seguen a vivir o seu ritual de veneración.

Magnífica exposición que non debedes perder. Parabéns François.

Da inauguración da exposición deuse conta na prensa local.

Créditos da fotografía.

Programa ARCE: lendo poesía en Madrid

Un dos obxectivos do noso Programa ARCE “A Biblioteca escolar como recurso documental e punto de lectura” é a viaxe do alumnado participante. Entre os días 27 e 30 de abril sete alumnos e alumnas de 3º da ESO e dúas docentes estarán en Madrid.

Dentro do plan de traballo, que non se vai describir aquí posto que o fará o alumnado cando regrese, destaca a lectura de poemas entre o alumnado participante (IES Vallecas Magerit e o IES Siglo XXI de Sevilla).

O noso alumnado lerá unha selección da poesía galega do século XX. A súa lectura irá acompañada por unha presentación cos poemas en castelán. Presentarán o traballo nun caderno que se inicia co poema en galego de Federico García Lorca “Madrigal á cibdá de Santiago”e que remata cunha cantiga de Afonso X O Sabio.

Selección de poemas gallegos

View more presentations from Antonio.

Miguel Hernández: 68 cabodano

Mentres agardaba pola aplicacion da súa condena á morte, hoxe, hai 68 anos morría no cárcere de Alacante, nunhas condicións sanitarias noxentas, o poeta Miguel Hernández. Rachábase unha vida de compromiso e perdíase a un gran home que aínda non escribira os seus mellores versos. Iste ano celebramos o centenario do seu nacemento e preténdese recuperar a súa memoria.

Vientos del pueblo me llevan
Vientos del pueblo me llevan,
vientos del pueblo me arrastran,
me esparcen el corazón
y me aventan la garganta.

Desde aquí podedes ler os seus poemas.

Morte no cárcere de Alacante o 28 de abril de 1942 .

Pequena homenaxe na voz de Joan Manuel Serrat.

Novo disco de Joan Manuel Serrat "Hijo de la luz y de la sombra" con poemas de Miguel Hernández.



Na Fundación Miguel Hernandez poderedes atopar unha completa información sobre o poeta e sobre os actos do seu centenario.

Día da Poesía: Emilio Cao canta a Novoneyra

Co gallo da celebración do Día da Poesía e como este ano adícase do Día das Letras Galegas a Uxío Noveneyra, poñemos este vídeo onde Emilio Cao musicaliza un poema do poeta do Courel.

28 de febreiro, "Día de Andalucía" (II)

Como outra das actividades relacionadas co Día de Andalucía, o alumnado e o profesorado de 3º da ESO do IES Siglo XXI de Sevilla prepararon unha magnífica selección de poemas de autores andaluces. Esperamos que vos gusten:

O bibliotecario heavy

Hai moitos tipos de bibliotecarios e de bibliotecarias, pero coñecíades o "bibliotecario heavy"?


Vía Trafegando ronseis.