RESPÍRASE NADAL

      No centro despedidos o ano por todo o alto. Moitos foron os que se achegaron á biblioteca e decidiron cruzar o umbral da nosa porta.

          

      Así puideron desfrutar de todo o que tiñamos preparadas para celebrar o Nadal.  Estivemos moi entretidos pois realizamos varios obradoiros para crear os nosos propios adornos empregando materiais reciclados. Ademais, preparamos as nosas propias postais para poder enviar ou incluír cos agasallos. 

         

  Tamén tivemos tempo para xogar oa bingo e desfrutamos dunha chocalatada para combatir o frío.    

   E como non podía ser doutro xeito, os nosos voluntarios e os membros dos clubs crearon a árbore de recomendacións lectoras para as vacacións.

Por útlimo, deixámos máis suxestións para ler , ver e escoitar;

      

 

             Agora xa tedes moitísimas ideas para pedirlle ao apalpador e desfrutar neste merecido tempo de lecer ;) 

Celebra o nadal na biblioteca

CELEBRA O NADAL CON NÓS

        O espíritu do Nadal xa invadiu o noso centro e xa estamos a argallar todo tipo de obradoiros e actividades para celebrar estes últimos días de clase do 2023. Animádevos a participar.

      Ademais, xa podedes pasar polo vestíbulo para poñervos na pel do apalpador grazas ao equipo de Dinamización Lingüística e ao departamento de Lingua Galega.

día do otaku

 CELEBRA O DÍA DO OTAKU

        Se che gusta o manga, o anime e , en xeral, todo o relacionado coa cultura xaponesa o 15 de decembro está sinalado no teu calendario por ser o día do otaku. 

          Desde a biblioteca, organizamos o segundo concurso de cosplay para conmemorar esta data. Para poder participar só tedes que mandar unha foto cun cosplay do teu personaxe favorito ao correo da biblioteca, indicando nome, apelidos e curso. Esperamos as vosas fotos!

25N Non á violencia machista

25N: contra a violencia machista 

           

      Con motivo do día Internacional para a eliminación da violencia contra as mulleres, o alumnado de 2º ESO e 3º ESO estivo traballando na biblioteca no proxecto do departamento de Lingua Castelá Fai visible o invisible. Para iso, buscaron e analizaron situacións da vida cotidiá e expresións da nosa linguaxe que se empregan sen darse conta de que son actitudes ou expresión machistas que temos que facer desaparecer.

      O resultado deste labor crítico materiolizouse nunha exposición que podedes visitar na entrada da biblioteca. Tamén podedes entrar a coller os trípticos informativos sobre a violencia machista que elaboramos para solventar calquera dúbida que teñades sobre este tema

      Ademais, desde a biblioteca fixemos unha escolma de lecturas que abordan esta temática para que podades darvos conta de que a violencia sobre as mulleres é algo que acontece máis do que pensamos

      

      Ademais, no recreo toda a comunidade educativa deixou clara a súa postura ao xuntarse no vestíbulo para dicir ben alto non á violencia

Semana da ciencia en galego: recreos científicos

RECREOS CIENTÍFICOS

      Este ano a celebración do mes da ciencia en galego trasladouse ao vestíbilo do centro para que toda a comunidade educativa puidese achegarse dun xeito lúdico á ciencia empregando a nosa lingua. Para iso, os departamentos de ciencias coa colaboración do equipo de Normalización lingüística plantexaron unha serie de retos que tiveron unha gran acollida tanto entre a rapazada como entre o profesorado.

concurso fotográfico 25N e preparativos 25N

 CONCURSO IMAXES POLA IGUALDADE

       Desde a biblioteca, convocamos a terceira edición do concurso Imaxes pola igualdade para poder loitar contra a violencia machista e promover unha sociedade sen desigualdades. 

         Neste concurso fotográfico, tedes que crear as composicións orixinais nas que:

• denunciedes a violencia contra as compañeiras ou as mulleres en xeral.
• mostredes a igualdade de xéneros á que temos que aspirar.

        Todos os que querades participar e aspirar aos premios tedes que enviar as vosas fotografías ao correo da biblioteca, indicando nome, apelidos e curso:

     Ademais, coa gran axuda dos nosos voluntaroios, estamos a preparar a exposición Fai visible o invisible e unha mostra bibliográfica de lecturas para concienciar na necesidade de erradicar as actitudes machistas en calquera plano da sociedade.

 CLUB DE XADREZ

     

      Xa está en marcha o noso club de xadrez que lerá e poñerá en práctica todas as xogadas que veñen nestes libros. Se che apetece, ainda estás a tempo de formar parte do club. Pásate pola biblioteca os mércores no segundo recreo.

Celebra o mes da ciencia en galego

 MES DA CIENCIA EN GALEGO  

      A vindeira semana comezaremos con actividades no centro para celebrar o mes da ciencia en galego. Para ir abrindo boca, xa temos montado o panel con suxestións científicas na entrada da biblioteca.

Ademais, podedes consultar a lista de recomendacións científicas que se recollen no catálogo online da biblioteca.

    Comezaremos o próximo luns cos retos científicos plantexados polo equipo de Normalización Lingüística e o equipo de Polos creativos. Animádevos a participar e conseguir a vosa chapa

     

 SAMAÍN 2023

     Este ano puidemos achegarnos ao medo e as tradicións do Samaín ao longo de todo o centro. 

     Como todos os anos, apareceu no vestíbulo do centro o Camposanto no que se colocaron todas as lápidas que participaron no concurso organizado polo equipo de Normalización Lingüística, que tivo gran acollida. Así puidemos visitar as tumbas de Cupido, Halloween, Marie Curie, Rosalía de Castro ou Otero Pedrayo entre outras moitas

       Tamén, volveu a percorrer a Santa Compaña as clases e os corredores do noso centro en busca de almas perdidas que foran con ela ata o Alén. 

        Non obstante, este ano estivo presente a música coa actuación do coro da Santa Compaña no salón de actos de centro:

       Ademais, dinamización Lingüística e o departamento de Lingua galega organizaron a terceira edición de portas terroríficas. O alumnado de 1º e 2º da ESO decoraron as portas das súas clases con lendas galegas tradicionais como o home peixe, Maricastaña, a tía Xoanoa ou Santa Compaña:

       Os clubs de literatura comparada de Secundaria e Bacharelato reuníronse na biblioteca para pasar moito medo con lecturas como Demeter ou os contos de Edgar Alan Poe e curtametraxes como Alexia ou La bolsa. 

      O alumnado de diferentes clubs de lectura gravaron podcast terroríficos que se puideron escoitar nos recreos na biblioteca e que agora tamén podedes escoitar vós en familia:

• As tres Marías
• A dama do castro
• O lobishome
• Romasanta

      Se queredes continuar co Samaín pola vosa conta, ademais das lecturas que vos propoñemos, podedes consultar no noso catálogo a lista recomendacións terroríficas. 

Samaín listo

 XA ESTAMOS LISTOS PARA O SAMAÍN!

     Ao igual que no resto do centro, na biblioteca xa o temos todo listo para celebrar o Samaín. Mañá será un día cheo de sorpresas terroríficas en diferentes recunchos do centro. Estade atentos e acercádevos nos recreos para descubrir o que temos preparado da biblioteca.

    

      Ademais, xa podedes ver algunhas das nosas recomendacións terroríficas no panel do corredor. Podedes levalas para casa e así quentar motores para mañá.

Formación novos usuarios

 COÑECENDO A BIBLIOTECA

      Esta semana remataron as visitas á biblioteca do novo alumnado que se incorporou este curso. Tras a explicación do seu funcionamento, os alumnos repartidos en diferentes grupos tiveron que aplicalas nunha xincana que lle preparou o equipo da biblioteca. Houbo diversión, sorpresas e libros mil.

24 outubro: día das bibliotecas

 CELEBRAMOS O NOSO DÍA

      O 24 de outubro celébrase o día das bibliotecas para non esquecer o día no que a Biblioteca Nacional de Saraxevo foi destruída durante o conflicto bélico dos Balcáns. Como equipo e usuarios das bibliotecas escorales e municipais, estamos moi orgullosos da comunidade que estamos a tecer.

          Non se nos ocorre mellor maneira de celebrarlo que en boa compañía e rodeados de libros. Os integrantes do club de literatura comparada aproveitaron ademais para asesorarnos na compra de novidades tanto en galego como en castelán (que estarán dispoñibles en breves para empréstito)

            Ademais, hoxe inaguramos o Recuncho Familiar. O ano pasado xa comezaramos a destacar lecturas para toda a familia mediante as nosas mochilas viaxeiras, pero este ano conta cun espazo permanente dentro da nosa biblioteca. Nesta nova sección, mensualmente faremos unha selección de lecturas de toda índole que se acheguen aos intereses de todos os membros e que podan compartilos coa familia. 

             Neste mes, seleccionamos lecturas moi variadas, como a epopea Azucre de Bibliana Candia , a banda deseñada Miguel en Cervantes. el retablo de las maravillas de Miguelanxo Prado e David Rubín, o libro de arte con pingas literarias Emocionarte de Carlos del Amor, ou a novela de ciencia ficción Guía del autoestopista galáctico de Douglas Adams, entre outros. Non obstante, podedes vir á biblioteca para descubrir moitas máis lecturas que están no voso recuncho para gozalas en familia :

Urxente

 ADIADAS AS ACTIVIDADES DA BIBLIOTECA

        As actividades que estaban programadas na biblioteca no día de hoxe quedan adidas pola folga de docentes.  As actividades para conmemoración do día das Bibliotecas a partir do mércores 25 de outubro. Ademais, o consurso sobre o cambio climático terá lugar o luns 30 de outubro nos recreos.

 

Novidades lectoras outubro

 

        No mes de outubro, noso catálogo temos moitas novidades. Fixemos unha escolma de novos mangas, bandas deseñadas e novelas de ciencia ficción para que podades levar para casa e explorar novos mundos.

          Esperamos que vos gusten 😊 Ademais, lembramosvos que se tedes algunha suxestión podedes deixala no noso buzón.

Samaín en elaboración

 PREPARANDO O SAMAÍN

      No centro xa estamos quentando motores para a celebración do Samaín o próximo 31 de outubro. Por iso, ademais de montar o noso Camposanto, exposicións sobre o Samáin, performances do coro, lecturas terroríficas e o paseo da Santa Compaña, desde Normalización Lingüísitica convocan dous concursos:

• Portas monstruosas (concurso dirixido ao alummado de 1º e 2º ESO)
• Tumba de materiais reciclados cun epitafio terrorífico ou divertido (concurso dirixido a todo o alumnado do centro)

      Tedes ata o día o día 27 de outubro para participar. Haberá premio. Esperamos a vosa participación!

      Ademais, gracias ao nosos voluntarios xa estamos a preparar a biblioteca para ese día tan especial no centro:

24 outubro: día contra o cambio climático

 COIDA O PLANETA

        Mañá conmemórase o día contra o cambio climático, un problema que nos afecta a todos. Desde a biblioteca queremos achegar o noso gran de area para desbotar todas as loiadas que se presentan nas Redes Sociais sobre este tema. Por iso, preparamos un consurso sobre fake news do cambio climático. 

          Teredes que buscar nos fondos bibliográficos da biblioteca se unha serie de afirmacións sobre o cambio climático son verdadeiras o falsas. 

        Pasade polo primeiro recreo do martes para participar. Haberá premios para os máis rápidos en contestar de forma correcta. Animarvos!

16 outubro: día das escritoras

LE EN FEMININO

        Este ano a Biblioteca Nacional de España celebra a octava edición do Día das Escritoras baixo o lema "O pracer, a ledicia e a risa das mulleres". Non hai mellor forma de celebrarlo que lendo a autoras de todas as épocas, todos os xéneros e todos os estilos. Así poderemos darlles o espazo que lles foi negado durante tantos séculos. 

        Coa estimada colaboración de parte do voluntariado de Bacharelato, fixemos unha escolma das autoras que están presentes na nosa biblioteca e que podes levar a casa para celebrar este día. Pásate e lévate a que máis che chame a atención. Se botas algunha autora en falta, podes contribuír a nosa exposición buscando o libro e incluíndoo nas mesas.

          Como novidade deste curso, no noso catálogo podes consultar a lista recomendacións en feminino na que se recollen escritoras que esperamos que vos gusten.

          Ademais, queremos facer unha mención especial a todas esas autoras galegas que no 2023 foron premiadas e que deixan constancia do nivel da nosa literatura actual:

            Desfruta da lectura en feminino!

Reunión de voluntari@s

 REUNIÓN VOLUNTARIADO

        Lembrade que a próxima semana temos unha reunión do alumnado voluntario para repartir as tarefas nas que colaboraredes na biblioteca. Estamos moi felices pola gran acollida que tivo a convocatoria. Estamos a tecer comunidade. 

        Se queres formar parte do noso equipo, aínda estás a tempo. Pasa pola biblioteca e únete á reunión do próximo luns no segundo recreo.

10 de outubro: día da saúde mental

 COIDA A TÚA SAÚDE MENTAL

            Como cada 10 de outubro, celebrase o día mundial da saúde mental para concienciar sobre la importancia da mesma. Desde Somos estupendas, queren concienciarnos se é así como nos queren?

          Para concienciar sobre a importancia da saúde mental queremos que refelexionedes sobre os seguintes datos:

• Un de cada catro persoas terá algún tipo de problema de saúde mental ao longo da súa vida.
• Aproximadamente 450 millóns de persoas en todo o mundo veranse afectadas por un problema de saúde mental.
• Máis de 300 millóns de persoas no mundo viven con depresión, cifra que aumentou un 18.4% entre 2005 e 2015.
• O 50% comezan antes dos 14 anos e o 75% antes dos 18.
• Máis da metade de persoas con algún transtorno mental que necesitarían tratamento non o reciben.

          Desde a biblioteca, queremos tender a man a todos os que necesitades un lugar seguro para poder expresar os vosos problemas. Por iso, escollemos unha serie de lecturas que consideramos que poden ser un bo punto de partida para identificar os nosos problemas e así conseguir ter unha boa sáude mental.  

          Non só están no panel da biblioteca, senón que podedes consultar a seguinte lista do noso catálogo: 

            Esperamos que vos gusten, que as levedes para casa e despois falemos de elas.