Este fin de semana parte dos integrantes dos clubs de manga acudimos á ExpOtaku que se celebrou no recinto feiral Expocoruña. Pasámolo incrible! Puidemos desfrutar de obradoiros de cosplay, amuletos e bolas de pokemon, de concursos sobre mangas como One Piece e coñecer as novidades en realidade virtual e videoxogos. Estamos desexando volver o próximo ano.
No día de hoxe, tivo lugar a entrega de premios aos gañadores do escape room que se celebrou na biblioteca para conmemorar o día das letras galegas. O primeiro premio foi para o equipo formado por Diego Casal, Daniela Canabal e Rita García, mentres que o segundo premio foi para Martina Cribeiro e Rossai Negra.
Os nosos parabéns para os gañadores. Esperamos que desfrutedes dos vosos premios. Ademais, moitas gracias a todos os participantes por convertir á biblioteca nun espazo tan cheo de vida.
Dentro do programa Lectura e familias, no mes de xuño teremos a honra de poder compartir co escritor Antonio M. Fraga dúas sesións e unha sesión con Xulia Pisón; todas elas moi interesantes:
No día de onte tivemos outra sesión máis do programa Lectura e familias: A biblioteca como colaboradora das familias. Cristina Ameijenta (directora da biblioteca municipal do Ágora de A Coruña) explicounos detidamente como a biblioteca pode converterse en punto de encontro para toda a familia gracias ás múltiples actividades que ofrece. Ademais, estivemos a reflexionar todos sobre os motivos que nos levaron a achegarnos á lectura e aos libros e como podemos atopar o libro perfecto para cada lector, independentemente de que teña o hábito adquirido ou non.
Para poder poñer en práctica todo sobre o que estivemos a falar e que existe un libro para cada un de nós, Cristina tróuxonos una selección de lecturas de toda índole que tedes á vosa disposición na nosa biblioteca.
Hoxe queremos felicitar a Natalia Naya (alumna de 4º eso do noso centro) porque resultou gañadora na categoría B (de 15 a 18 anos) do certame literario Xoán Díaz que convoca o concello de Cambre. Estamos moi orgullosos dos teus logros
Ademais, a continuación podedes ler unha das composicións poéticas titulada Nosotros que lle fixeron valedora deste premio:
Palabras
Palabras, falando saen.
Ninguén oe.
-Como foi a semana?
-Ben.
Discusións, discursos, risas.
Palabras, falando non se nota.
-Que tal estás?
-Ben.
Manteño a compostura, falo.
Falo con todos, rio con todos.
-Es ti quen fala?
-Non.
Choro soa.
Con motivo do día das letras galegas, no centro celebramos a nosa cultura durante toda a semana por todo o alto, realizando multitude de actividades desde diferentes departamentos.
O alumnado de 1º ESO saíu co departamento de Bioloxía para coñecer a vexetación da ribeira e poder levar a cabo un proxecto para San Xoán.
O alumnado de 2º ESO, gracias ao departamento de Educación Física, coñeceu e practicou xogos populares: a corda, os birlos, a chave ou o tiro de corda entre outros.
No vestíbulo do centro, atopámonos coa exposición As palabras de don Paco, onde todo o alumnado de Secundaria presenta os seus traballos sobre a figura de Francisco Fernández de Riego.
O broche de ouro a semana das letras foi a celebración da III edición do Festival das letras que organizou o alumado de 4º ESO coordinados polo Departamento de Lingua Galega e literatura.
Hoxe 17 de maio é un día de celebración para tod@s @s galeg@s. Temos que estar moi orgullosos tanto da nosa lingua como da nosa cultura. Por iso, desde a biblioteca, queremos animarvos a que descubrades a FRANCISCO FERNÁNDEZ DEL RIEGO (autor ao que se lle adica este ano o día das letras gallegas) pois é un dos grandes da nosa cultura que, a través de todos os xéneros, intentou dar visibilidade á nosa terra, á noso idioma e, en definitiva, á nosa cultura.
Conta cunha amplísima producción literaria, pero tamén foi importante o seu labor como editor, prologuista, tradutor, columnista... Aquí vos deixamos unha pequeniña mostra dos seus escritos que podedes atopar na nosa biblioteca.
Hoxe tivemos outra sesión do programa Lectura e familias: Aproximación ao mundo da banda deseñada. Outra forma de potenciar a lectura. Toño Vilaverde ofreceunos un percorrido pola historia da banda deseñada e axudounos a elimiar prexuízos que temos con este tipo de literatura (como que é un cénero para nenos e demasiado sinxelo). Ademais, ofreceunos diversas estratexias para poder atopar a banda deseñada para cada membro da familia.
A continuación, deixamos unha pequena mostra das lectura que nos recomendou Toño e que podedes atopar na nosa biblioteca, aínda que hai moitísimas máis.
Dentro da celebración da semana das letras do noso centro, nos recreos do venres, temos preparado un gran reto para vós. Teredes que escapar da bibliteca solucionando unha serie de retos de maneira grupal. Se queredes participar, tedes que pasar antes pola biblioteca para inscribiros. Achegádevos! Seguro que o pasamos moi ben.
Aínda que o día das letras galegas é o mércores 17 de maio, no centro imos adicarlle toda a semana á nosa cultura. Por iso, no centro estanse preparando moitas actividades que terán lugar antes da III edición do noso Festival das letras. Aproveitade para aprender xogos tradicionais ou cales son as herbas de San Xoán, ademais de desfrutar dos concertos e consursos que estamos a preparar.
Despois dunha dura deliberación por parte do xurado, os gañadores do concurso de bookface que organizou a biblioteca para conmemorar o día do libro son os seguintes:
Hoxe 5 de maio celébrase o día da cultura lusófona. Conmemórase así a quinta lingua máis falada do mundo, a terceira máis falada en Occidente e a máis falada no hemisferio sur. Debemos aproveitar que se unifican en torno a mesma raíz lingüística: o galego-portugués (nacido na antiga Galaecia).
Para concienciarnos disto, preparamos una mapa no que aparecen os nove países que comparten este trazo cultural e identitario,
Hoxe celébrase o día contra o acoso escolar. Este é un tema que tennos que preocupar a todos. Hai moito sufrimento e discriminación que parece invisible (como nun iceberg)
Por iso, é fundamental que haxa comunicación e que todos actuemos ante a mínima sospeita de que un compañeiro, un amigo, un alumno, un fillo ou quen sexa estea pasando por algunha destas circunstancias. A responsabilidade é de tod@s. Non mires para otro lado. Di non ao acoso.
Os libros axúdannos a entender e identificar o acoso en todos os ámbitos. Por iso, animamos a todo o alumnado a que pase pola biblioteca a coller algunha suxestións que se centran neste tema e que cremos que vos gustarán:
