17 de marzo: día do cómic

 A VIDA EN VIÑETAS 

      Hoxe celebramos o día do cómic coa esperanza de que cada vez máis as bandas deseñadas de todo tipo formen parte das vosas lecturas. Para o equipo da biblioteca este tipo de lecturas é fundamental para poder adentrarte en calquera temática cun linguaxe visual propio. Sen embargo, somos conscientes de que aínda quedan moitos prexuízos que romper con respecto ao mundo da banda deseñada. Por iso, organizamos diversas actividades nas que eixo central foi a creación e lectura de cómic.

       O alumnado de 2º ESO aprendeu da mán da profesora de Lingua Castelá e Literatura os elementos específicos da linguaxe do cómic, onde o visual ten tanta importancia (ou máis dependendo do caso) que o guion. Por iso, converteron en viñetas escenas cotidiás, coidando moito a elección de cores e a distribución das viñetas.

     Ademais, como entro o alumnado hai moito afecionado ao manga e o anime, na biblioteca fixemos a nosa especial homenaxe a Akira Toriyama (recentemente falecido). Inventamos novos personaxes partindo da cara do Goku, un dos presonaxes míticos de Akira.

      Dentro de proxecto Habelas hainas, na biblioteca preparamos unha exposición con autoras de banda deseñada para darlles máis visibilización nun mundo que se ten relacionado máis cos homes. Podedes pasar pola biblioteca a levar calquera destas recomendacións lectoras.

30 xaneiro: día da ilustración e Castelao

 DÍA DA ILUSTRACIÓN

         Este 30 de xaneiro queremos deternos na importancia da ilustración na literatura. Álbums ilustrados, bandas deseñadas ou mangas, entre outros, cada vez teñen máis presenza nas nosas lecturas. 

         Sen embargo, aínda hai moito prexuízo que temos que romper. Para que podades adentrarvos no mundo da banda deseñada e rompelos, fixemos unha selección de títulos colocados na porta da biblioteca. Ademais, se non atopades o que vos interesa ou necesitades axuda, sempre podedes entrar á biblioteca. Nós estaremos encantadas de falar de libros con vós.

        Ademais, este foi o día que a Xunta seleccionou conmemorar na súa décima edición o nacemento de Castelao en Galicia. Por iso, comeza no noso centro a semana de Castelao gracias ao traballo de dinamización lingüística e o departamento de galego. Podedes visitar a exposción das súas obras e dos traballos do alumnado interpretándoas:

Xosé Cobas no IES

Durante os primeiros días de abril, o ilustrador e deseñador gráfico Xosé Cobas (Negreira, 1951) estará expoñendo unha selección da súa obra no recibidor do IES. Velaquí unha presentación con parte do seu traballo. A Biblioteca colabora cunha exposición bibliográfica da súa obra.

Xose Cobas from Antonio