22/12/20

máis literatura e cine

 

PRIMEIRA LECTURA DO CLUB DE LITERATURA E CINE 
DE 1º e 2º ESO

    




   Estamos preparando todo para comezar co clube despois do NAdal. Para iso, necesitamos a vosa colaboración pois queremos que escollades a primeira lectura coa que iniciar esta nova andaina. 

    Os alumnos interesados de 1º e 2º ESO tedes que cubrir o seguinte cuestionario:


    Vémonos o luns 11 de xanerio ás 12:10.

literatura e cine

 PRIMEIRA LECTURA DO CLUB DE LITERATURA E CINE DE 4º ESO e 1º BACHERELATO

     




    A nosa intención é comezar co clube de literatura e cina á volta do Nadal. Por iso, necesitamos da vosa colaboración. A vosa opinión é fundamental para comezar esta andaina na literatura comparada. Todos os que esteades interesados en formar parte do clube tedes que cubrir o seguinte cuestionario.

https://docs.google.com/forms/d/e/1FAIpQLSdq5gF33M9nfrt2DvRCiHk11zrNSlV4Upta5MQXEzcDYcJ1uA/viewform?usp=sf_link

     Agradecemos de antemán o voso interese e as vosas ganas de formar parte do clube. Estamos emocionados pola acollida.

2/12/20

máis manga

MÁIS MANGA


    Tras meditalo moito e, sobre todo, tendo en conta o clamor popular, crearemos outro club de manga. Nesta ocasión, estará dirixido ao alumnado de 1º e 2º ESO.

    Ademais, necesitamos da nova colaboración. Todos os que esteades interesados tedes que cubrir o seguinte cuestionario. A vosa opinión será fundamental para poder iniciar esta apasionante andaina.

https://docs.google.com/forms/d/e/1FAIpQLSf-bNCCHGiBI9avi6FDHyvpV9fU6iB4GDbaAP49-a7RsqfJDg/viewform?usp=sf_link:  

29/11/20

club de manga

 CLUB DE MANGA

 

   Estamos preparando todo para comezar co clube de manga. Para iso, necesitamos a vosa colaboración pois queremos que escollades a primeira lectura coa que iniciar esta nova andaina. 

    Os alumnos interesados de 3º e 4º ESO tedes que cubrir o seguinte cuestionario:

https://forms.gle/3RhAqUmMqmpiLFzc6


9/11/20

club de lectura

 DESCUBRE A MAXIA DE COMPARTIR AS LECTURAS. APÚNTATE AO CLUBE DE LECTURA

 

    Este ano no que é tan necesario algo de normalidade comeza a andaina de varios clubes de lectura de diferente temática:

    • Clubes de literatura e cine: dirixidos ao alumnado de toda a Secundaria e 1º BACH e coordinado por Iria Collantes (profesora de lingua castelá e literatura).
    • Clube de manga: dirixido ao alumnado de 3 e 4º ESO e coordinado por Sarah  (profesora de lingua francesa).
    • Clube de lectura cooperativa: dirixido ao alumnado de 1º ESO e 3ª PMAR e coordinado por Milagros Gómez (profesora de lingua castelá e literatura).
    • Clube de literatura universal: dirixido ao alumnado da materia de Literatura Universal de 1º BACH coordinado por Rosa Maceiras (profesora de lingua castelá e literatura).
    • Clube de artes escénicas: dirixido ao alumnado da materia Artes escénicas e danza de 4º ESO e coordinado por Beatriz Alonso (profesora de Música).
    • Clube Apología de un matemático: dirixido ao alumnado de Matemáticas Académicas de 4º ESO e 1ª BACH e coordinado por Eduardo Dorrego (profesor de Matemáticas). 

    Seguro que entre tanta variedade hai algún que vos interesa. Animádevos e apuntaros mandando un correo a biblioteca@iesafonsoxcambre.com ou falando co profesor que leva o clube no que queredes estar.

1/10/20

comezamos o curso 2020/2021

 COMEZAMOS UN NOVO CURSO

   

   Comezamos un novo curso que será moi diferente aos que vivimos ata o de agora. As circunstancias sanitarias e os novos protocolos que temos que aplicar impiden que as portas físicas da nosa biblioteca estean abertas.

      Sen embargo, iso non será impedimento. Non deixemos de lado a nosa paixón pola lectura e o noso amor polos libros. Por iso, poderedes seguir disfrutando dos libros do noso catálogo.

    Este ano o sistema de préstamo e devolución dos libros será distinto, pero que non vos impida ler. Para poder solicitar un libro, tedes que mandar un correo electrónico ao enderezo biblioteca@iesafonsoxcambre.com, poñendo no asunto o voso nome e curso e no corpo do correo o título e autor do libro. Cando o recibamos, encargarémonos de levarche o libro a clase.

      Tamén podedes entrar no noso catálogo de libro en liña no seguinte enlace: 

http://www.opacmeiga.rbgalicia.org/Biblioteca.aspx?CodigoBiblioteca=CED029 

      Ademais, para devolvelos, tedes na entrada da biblioteca un espazo para deixalos. Xa nos encargamos nós de rexistrar a súa devolución. 

 



30/9/20

Quino

 O NOSO ADEUS A QUINO

  Hoxe é un día moi triste para todos os amantes de Mafalda. No día de hoxe, faleceu en Bos Aires o seu creador, Joaquín Salvador Lavado, coñecido mundialmente como Quino. 

  Gracias a súa xenialidade, puidemos aprender que o humor e a tenrura non son incompatibles co espírito crítico. Moitas gracias por todo, mestre.




 

2/5/20

Carta ao noso alumnado:


4/3/20

Exposición "As mulleres tamén emigran"


Co gallo do día Internacional da Muller temos no centro a exposición “As mulleres tamén emigran” da Fundación 10 de Marzo. 

En 16 paneis amósanse  testemuñas de mulleres nas que relatan a súa experiencia na viaxe a América, as dificultades de iniciar unha nova vida, os desexos permanente de regresar, as viaxe legais ou ilegais das galegas á Europa industrializada ou as novas migracións dende o norte de África á Península Ibérica.




2/3/20

Día de Rosalía

Para conmemorar o día de Rosalía fixemos subir os versos polas escaleiras para que todo o mundo se sentise próximo á poesía rosaliana.




Escollemos dous poemas, A xustiza pola man e Xan. Tamén os puidemos escoitar músicados:

A xustiza pola man, Nao:



E Xan

Uxía Senlle:


Quempallou:



28/2/20

Concurso de mapas: percorrendo o mundo

Concurso de Xeografía na biblioteca: Percorrendo o mundo

Dentro do Programa 21 días en Galego e +, o alumnado de 1º ESO E, animouse a organizar un concurso de de mapas na biblioteca.

Nel participaron os diferentes grupos de 1º ESO resultando gañador o grupo de 1º ESO A., aínda que o concurso estivo moi axustado ata o final!

Os participantes tiveron que amosar os seus coñecementos en xeografía física e política.

Parabéns a todos e a todas!

19/2/20

Alfredo Gómez Cerdá no IES Afonso X O Sabio


O prolífico escritor de lieteratura xuvenil Alfredo Gómez Cerdá visitou o noso instituto para charlar coa rapazada de 4º da ESO sobre a súa última novela Ninfa rota. Unha obra fantástica que abraca temas tan actuais como a violencia de xénero, o acoso, o control nas redes sociais, a autoestima ou o amor entre adolescentes.

Foi unha charla tan distendida e amena que a todos e todas nos soupo a pouco.

Teremos pois que invitalo de novo para seguir parolando.









8/2/20

Reporteiros viaxeiros: cidades


Un ano máis volvemos co programa Reporteiros viaxeiros, este curso centrado nas cidades, os seus planos e lugares que podemos visitar nelas. É unha reportaxe realizada polo alumnado de 2º ESO A e B.

Nesta atoparedes desde cidades intelixentes ou smart cities como Viena ou Amsterdam, a cidades de nova creación que xurdiron nos desertos máis áridos como Dubai, pasando por cidades medievais (Carcassonne), renacentistas baseadas en proxectos ideais (Palmanova) a grandes metrópoles (New York, Londres, París) e megalópoles (Tokio-Yokohama). Tamén poderedes ver na reportaxe cidades curiosas como A Rinconada, a cidade situada a maior altitude do mundo.