BO VERÁN!

Desexamos a toda a nosa comunidade educativa que teña un bo verán. Como resultado do noso proxecto inicial, reubicamos certos fondos (especialmente o Manga) e a ludoteca; e ademais creamos tres novos centros de interese: aprendizaxe de idiomas para todos o material de Seccións Bilingües, STEMBach, e Saúde e benestar a partir do traballo iniciado co Programa de Lectura e Familias. Queda pendente un centro de interese de Lectura Fácil. Esperamos que grazas a eles descubrades novas lecturas.

Por último, dentro doutro proxecto no que traballamos tempo atrás, definitivamente temos un logo que represente á nosa biblioteca: unha árbore de vida e de cultura. Grazas ao Departamento de Debuxo por facelo realidade.

CLAUSURA DO CLUB DE LECTURA

 ATA O CURSO QUE VÉN

Esta semana despedímonos dos nosos clubes de lectura. Por unha banda, lembrando todas as lecturas deste ano. Por outra, con actividades varias.

No caso do club de adult@s, a nosa última tarde e martes merendamos unha deliciosa tarta de Alucinarte tartas, que representaba a nosa biblioteca e a temática predominante dos premios Nobel de Literatura.

Para o resto de grupos, a media mañá do último día de  clase disfrutamos dunha experiencia scape room grazas á empresa Clue Hunter. O  grupo gañador resolveu o reto 7 minutos antes de esgotar o tempo!

SUXESTIÓNS LECTORAS DE VERÁN

 LECTURAS PARA O VERÁN

Estas son as nosas suxestións lectores para este verán. Na súa maior parte son as últimas adquisicións conseguidas grazas aos fondos PLAMBE e Club de Lectura. Aproveitade a facer os vosos empréstamos antes do 30 de xullo.

1, 2, 3... o IES Afonso X O sabio a escena

Unha obra teatral escrita, protagonizada e gravada polo propio alumnado da materia de proxecto competencial de 4ESO.

Buscaron profundizar en temas habituais na adolescencia: o bullying, a identidade de xénero...

A ligazón para poder ver o video que crearon será visible na última semana de curso cando se proxecte a todo o alumnado.

Grazas por colaborar coas iniciativas da nosa biblioteca.

Lectura e familias: roteiro

Dentro do programa de Lectura e Familias voltamos ás rúas. Nesta ocasión realizamos un roteiro polo centro da Coruña sobre a súa prosperidade económica en torno aos séculos XIX e XX. Loxicamente, o nome de Emilia Pardo Bazán e a súa obra A Tribuna mencionouse en repetidas ocasións.

A nosa visita comezou na Plaza de Lugo, onde se atopa o primeiro edificio da cidade que tivo ascensor. Continuou polo que, anteriormente, fora o Banco da Coruña e despois o Banco Pastor. Máis adiante visitamos os Xardíns para lembrar a arquitectura modernista que dominaba a zona e a entrada ao porto para falar da súa lonxa e das súas tradicións. Para rematar, o edificio da antiga fábrica de tabacos.

Analizando un país con 3ESO

 Ao longo de todo o curso, o alumnado de 3ESO tiveron que realizar un estudo analítico sobre diferentes aspectos xeográficos, políticos, económicos e socio-culturais dun país escollido por eles e realizar unha presentación (escollendo preferentemente para realizala a aplicación Canva).

Despois, tiveron que expoñer en clase este traballo.

Xornadas de transición

 

 CON GANAS DE QUE FORMEDES PARTE DO NOSO CENTRO!

No día de hoxe viñeron a visitarnos o futuro alumnado do CEIP Portofaro e Wenceslao Fernández Flórez. Para que coñezan o que será o seu novo centro o curso próximo organizáronse varias actividades nas que participou toda a comunidade educativa.

Non hai mellor maneira para saber desenvolverse nas nosas instalacións que facer unha xincana ambientada no mundo das novelas policiacas e de misterio. Entre as diversas paradas que tiveron que facer para conseguir resolver o crime, estivo a nosa biblioteca.

Nesta ocasión, tiveron que buscar un libro moi especial, escrito por aquela coñecida como a raíña do misterio e cuxo título tiña que ver co noso espazo. A autora non podía ser outra que Agatha Christie con "Un cadáver na biblioteca".

 

Charlas a familias sobre nutrición

A nosa compañeira Silvia Méndez, do departamento de Bioloxía e Xeoloxía, deu unha charla sobre nocións básicas de nutrición ás familias, dentro do programa Lectura e Familias de Bibliotecas Escolares.

Fixemos unha comparativa de cómo eran os nosos hábitos alimenticios antes e cómo son agora. Elementos nocivos, aprendizaxe de lectura de etiquetas nutricionais, consellos sobre alimentación e liberación de tóxicos nos nosos útiles de cociña.

Estas son as lecturas recomendadas e que foron adquiridas grazas aos fondos do Programa Lectura e Familias:

Moitísimas grazas por ensinarnos tanto.

DÍA DAS LETRAS GALEGAS

Este ano as celebracións focalizáronse na entrada do noso centro para celebrar a importancia da cultura popular galega.

Polo noso lado, adquirimos diferentes títulos relacionados coas cantareiras e pandeireteiras para dar a coñecer ao alumnado e que en breve permitiremos o seu empréstito. E tamén, como novidade, utilizáronse diferentes xogos durante os recreos de maio sobre a cultura, xeografía e historia de Galicia.

ESTREAMOS NOVA IMAXE

 CAMBIANDO DE IMAXE

Fai tempo que queriamos levar a cabo este cambio: cambiamos a imaxe das nosas fiestras con novos estores especiais posto que protexen aos nosos libros da luz do sol e tamén da calor excesiva. 

Este cambio foi posible grazas aos fondos PLAMBE.

23 de abril: día do libro

Este curso, para celebrar este día, decidimos realizar un obradoiro de marcapáxinas durante os recreos.

Ademais, a comunidade educativa puido disfrutar dunha exposición na entrada do centro realizada polos departamentos de Lingua Castelá e Lingua Galega.

Xogando a ser arqueólogos

Durante a segunda avaliación, o alumnado de 1ESO recuperou a actividade na biblioteca do curso pasado de replicar diferentes tipos de escritura pertencente á Idade Antiga e Medieval: cuneiforme, sobre papiro e en pergamino.

Como novidade, experimentaron a pequena escala o que é sentirse un especialista en arqueoloxía.

21 marzo: día da poesía

 

 POETÍZATE

Coa primavera, chega o día da poesía. Aquí tedes algunhas ideas para que vos acheguedes ao mundo marabilloso da poesía:

17 de marzo: Día do Cómic

Nada mellor para conmemorar este día que a adquisición dos seguintes títulos das vosas sagas máis valoradas.

A nosa colección vai medrando grazas ás vosas aportacións e aos fondos de Club de Lectura e PLAMBE.

8M

Este curso, propuxemos ao alumnado de 2ESO a elaboración manual de infografías de mulleres que, segundo o seu criterio, merecen unha posición destacada.

Esta é unha pequena mostra do máis salientable:

Os mandatos do meco

 

 O MECO MANDA...

Outro ano máis o Meco volveu a aparecer no vestíbulo do noso centro para darnos instrucións sobre o que temos que facer nos días previos ao festival de Entroido. Ten moitas ganas de troula e vós?

 

Para que vaiades preparnado todo, aquí tedes os mandatos de esta ano. Tomade boa nota: 

Namórate da lectura

 

  CITA CUN LIBRO = BOA IDEA

Para a celebración de San Valentín, agasallaremos a aquelas persoas que fagan empréstamos na nosa biblioteca cunha doce sorpresa.

30 de xaneiro: día da ilustración

Esta edición de 2025 vai dedicada a Xosé Vizoso, que é o primeiro autor homenaxeado en vida.

Propuxemos ao alumnado de 2ESO que reinterpretasen a súa obra e esta é unha pequena mostra do que fixeron.

30 de xaneiro: día da paz e a non violencia

 

DIN NON Á VIOLENCIA

O equipo de biblioteca fixemos unha escolma de obras do noso catálogo no que se aborda desde diversas perspectivas os conflictos bélicos e que podedes levar en empréstito para casa.