Co gallo da celebración do Día da Música, a Biblioteca e o Departamento de Música (moitas grazas Isabel e Santiago) tivemos o gusto de organizar un pequeno concerto na biblioteca no que se tocaron pezas de Milhaud, Oasis e arranxos de música folclórica galega.
Os primeiros en actuar foron catro rapaces de 2º ESO A e B (Mónica Arcay, Antón Muíños, Diego Pazos e Noemí Cortés) Estes alumnos interpretaron a canción popular "Troula" seguida dunhas variacións elaboradas por eles mesmos, estreándose como compositores.
Despois, o alumno Christian Antonio, estudante de 5º curso de saxofón, acompañado pola súa profesora ao piano, interpretou a peza "Danse" do compositor francés Darius Milhaud.
Para rematar, Noelia Mariñas cantou un persoal "Wonderwall", tema do grupo Oasis, acompañada pola guitarra de Julián Bokser.
Todo un éxito de acuacións e ¡de público! Noraboa para os/as intérpres.
2 comentarios:
Parabéns aos organizadores.
E vaia coincidencia, o vindeiro luns nós teremos a nosa sesión de poemas e música na biblioteca.
Unha aperta dende Fene
¡Enhorabuena! Un éxito. Esperamos con ilusión el próximo concierto.
Publicar un comentario