Hoxe é un día triste para a novela negra e para Galicia. Unha mañá de néboa e grisalla como nas que se desenvolve o día a día do inspector Leo Caldas na ría de Vigo.
Hoxe enchéronse de auga os nosos ollos ante tan triste e prematura perda. De repente, como nas novelas, nun instante cambiou todo. Da vida á morte.
En Negrísima fixémoslle o oco que sempre merecerá Domingo Villar.
Desde aquí queremos expresar a nosa dor.
Non te esqueceremos.
Xa chegaron ao noso centro as cartas
desde a trincheira que nos enviaron os alumnos e alumnas do CPI da Picota de Mazaricos. Eles e elas tamén formaron parte deste proxecto interdisciplinarentre as materias de Lingua Castelá e Historia.
A profesora Iria Collantes fixo de correo intercambiando as cartaas e mesmo montou a exposición in situ como vemos nas imaxes.
Estas fotografías así o amosan. Unha maneira fermosa de compartir vivencias e sentimentos.
Grazas por todo ao 4º ESO de A Picota e aos 4º ESO do Afonso X O Sabio!
:format(jpg)/f.elconfidencial.com%2Foriginal%2Fc79%2F2ee%2F2d5%2Fc792ee2d53fb81a7d9570cb2d7449f45.jpg)
Un día máis do club de lectura de nais, pais e docentes do IES Afonso X O Sabio. Nesta ocasión viaxamos á campiña inglesa da man de Miss Marple, unha anciá observadora que basea o seu método nas experiencias da súa vida. O comportamento humano sempre se repite, e isto é o que nos transmite a agradable protagonista.
A novela de Agatha Christie, Un cadáver na biblioteca, gustou a todas as persoas do club, sen excepcións.
Un día, ás sete de mañá, o matrimonio Bantry esperta cunha desagradable sorpresa'na súa biblioteca: o cadáver dunha moza cun vestido de noite, como saída dunha festa. Miss Marple é amiga da señora Bantry e esta a chama para resolver tan estrano caso.
Esta obra reúne todos os trazos do estilo desta autora, a máis lida tras a Biblia e Shakespeare. Todos os seus personaxes sempre teñen un móbil para cometer o crime, deste xeito, a autora, reta ao lector dándolle toda a información necesaria para que este poida resolvelo.
Nas súas obras está presente a alta sociedade inglesa, as mansións e os seus coidados xardíns. O humor tamén está moi presente.
Obra fácil de ler e que nos achegou o mundo de Agatha Christie. Recomendada, sen dúbida!
Cartas desde a trincheira é o resultado dun proxecto colaborativo entre os departamentos de Xeografía e Historia e Lingua e Literatura castelá.
O froito desta colaboración é a exposición de cartas realizadas polo alumnado de 4º ESO e que amosamos a partir desta semana na biblioteca do centro.
A I Guerra Mundial desenvolveuse principalmente entre as trincheiras. O alumnado tivo que meterse na pel daqueles soldados, enfermeiras ou médicos que narran as súas vivenzas a través das cartas enviadas aos seus seres queridos desde as trincheiras.
Nesta actividade de transformismo histórico, o alumnado emapapouse, para a súas creacións, de vídeos sobre a vida nas trincheiras, de fontes reais da época, ademaís da da exposición sobre a I Guerra Mundial realizada en 2018 polo departamento de Historia, cando se cumprían os cen anos dun acontecemento que mudou a historia de Europa.
Amosamos aquí algunhas destas cartas:
Cartas ás súas familas, aos seus amadas e amados, que contan a vida nestes buratos donde transcurría a vida entre as ratas, buratos donde o medo e a morte estaban moi presentes.
/cloudfront-eu-central-1.images.arcpublishing.com/prisa/QOYDXBBHOVGLUVJXJDCMUMEAQ4.jpg)
Novo encontro do club de lectura de nais, pais e profesoras do Afonso X O Sabio. Hoxe comentamos a lectura deste mes, O xogo do escondite, unha obra de suspense psicolóxico dunha das escritoras máis significativas da novela negra, Patricia Highsmith.
Aínda que na obra desta autora non atopamos aos solitarios detectives ou inspectores de policía que protagonizaban as novelas lidas neste curso en "Negrísima", como Leo Caldas, Wallander ou Erlendur. Polas obras de Highsmith pululan personaxes amorais, estafadores ou asasinos que nunca son descubertos.
Peggy acábase de suicidar en Mallorca. O seu pai, Coleman, e o seu viúvo, Ray, teñen un encontro violento en Roma. Coleman culpa ao seu senro da morte de Peggy. Comeza unha persecución e un xogo macabro entre eles no que os canles e as rúas de Venecia convértense nuha trampa.
Na obra de Highsmith mestúranse a mentira, a culpa e as complexas relacións humanas. Así mesmo, Highsmith fai un retrato da opulenta sociedade americana fronte ao estrato social máis baixo, o dos pescadores venecianos que viven practicamente na miseria.
Agobiante novela que amosa a pasividade e superficialidade dunha clase adiñeirada e hedonista que viaxa á Europa nos anos 50 e 60.
Patricia Highsmith é autora de "Estranos nun tren", da serie de libros de Ripley e de obras como Carol, obras levadas con gran éxito ao cine.
