Cartas desde a trincheira

Cartas desde a trincheira é o resultado dun proxecto colaborativo entre os departamentos de Xeografía e Historia e Lingua e Literatura castelá. 

O froito desta colaboración é a exposición de cartas realizadas polo alumnado de 4º ESO e que amosamos a partir desta semana na biblioteca do centro. 

A I Guerra Mundial desenvolveuse principalmente entre as trincheiras. O alumnado tivo que meterse na pel daqueles soldados, enfermeiras ou médicos que narran as súas vivenzas a través das cartas enviadas aos seus seres queridos desde as trincheiras. 

Nesta actividade de transformismo histórico, o alumnado emapapouse, para a súas creacións, de vídeos sobre a vida nas trincheiras, de fontes reais da época, ademaís da da exposición sobre a I Guerra Mundial realizada en 2018 polo departamento de Historia, cando se cumprían os cen anos dun acontecemento que mudou a historia de Europa. 

Amosamos aquí algunhas destas cartas:

Cartas ás súas familas, aos seus amadas e amados, que contan a vida nestes buratos donde transcurría a vida entre as ratas, buratos donde o medo e  a morte estaban moi presentes.

Negrísima: O xogo do escondite

 

 

 Novo encontro do club de lectura de nais, pais e profesoras do Afonso X O Sabio. Hoxe comentamos a lectura deste mes, O xogo do escondite, unha obra de suspense psicolóxico dunha das escritoras máis significativas da novela negra, Patricia Highsmith.

Aínda que na obra desta autora non atopamos aos solitarios detectives ou inspectores de policía  que protagonizaban as novelas lidas neste curso en "Negrísima", como Leo Caldas, Wallander ou Erlendur.  Polas obras de Highsmith pululan personaxes amorais, estafadores ou asasinos que nunca son descubertos.

Peggy acábase de suicidar en Mallorca. O seu pai, Coleman, e o seu viúvo, Ray, teñen un encontro violento en Roma.  Coleman culpa ao seu senro da morte de Peggy. Comeza unha persecución e un xogo macabro entre eles no que os canles e as rúas de Venecia convértense nuha trampa. 

Na obra de Highsmith mestúranse a mentira, a culpa e as complexas relacións humanas. Así mesmo, Highsmith fai un retrato da opulenta sociedade americana fronte ao estrato social máis baixo, o dos pescadores venecianos  que viven practicamente na miseria.

Agobiante novela que amosa a pasividade e superficialidade dunha clase adiñeirada e hedonista que viaxa á Europa nos anos 50 e 60. 

Patricia Highsmith é autora de "Estranos nun tren", da serie de libros de Ripley e de obras como Carol, obras levadas con gran éxito ao cine.

Negrísima: A quinta muller

   

 

O libro A quinta muller do escritor sueco Henning Mankell foi a lectura do mes de febreiro no club das familias e dos docentes do noso IES. 

Un dos grandes da novela policíaca nórdica, Mankell presenta un capítulo máis do incansable detective Kurt Wallander. 

Solitario e triste, o experimentado e sagaz detective, atópase, neste caso, cunha astuta e despiadada asasina que se toma a xustiza pola súa man. Unha muller capaz dos máis horrorosos crimes e pro da vinganza. 

Mankell mantén a atención dos lectores  nunha obra que, como en toda a serie Wallander, profundiza no ben e o mal, no sentido da xustiza, no amor e o desamor, na vellez e nas relacións persoais. O autor é moi crítico coa sociedade sueca ao igual que xa vimos no islandés Arnaldur Indridasson.

Cun estilo poético, Mankell vai mesturando a realidade, o presente, coas lembranzas do pasado. E de fondo, sempre, a cruda meteoroloxía do norte de Europa que define a psicoloxía dos personaxes que pululan pola novela. 

 

 

 

 

 

 

Un ano máis: Reporteiros viaxeiros

 

 Un ano máis cos nosos Reporteiros viaxeiros. 

Nesta ocasión, cun programa especial dedicado ás cidades do mundo. O alumnado de 2º ESO F animouse a presentar esta nova e intensa edición que pecha a Xeografía deste curso. 

Cuns animosos presentadores e un sinfín de reporteiros e reporteiras percorremos lugares tan diversos como Venecia, Sidney, Seúl, Palmanova, Londres, Bilbao ou Kioto- Nagoya entre outros. Con todos eles coñecemos os planos que presentan as cidades así como lugares a visitar nestas. 

Sabías que nalgunhas destas cidades están moi presentes algúns dos máis coñecidos superheroes do comic?

Animámosvos a atopar aos superheroes que se nomean nalgunhas das reportaxes!

Negrísima: Ollos de auga

      

 

   

Esta semana asistimos  a unha nova xuntanza do club de lectura de pais, nais e profes dedicado á novela negra. A lectura deste mes foi Ollos de auga, unha novela policíaca de Domingo Villar que se desenvolve na cidade de Vigo e a súa contorna. 

Da man do inspector Leo Caldas e o seu axudante Estévez percorremos as rúas e prazas da cidade olívica así como nos desprazamos a Bueu e a praia de Lapamán.

O solitario e reflexivo inspector Caldas resolve en poucos días, grazas a súa intuición, o asasinato dun saxofonista. 

No club de lectura comentáronse elementos  moi presentes na novela: a climatoloxía galega (as néboas, a choiva, a humidade), o plomizo mar,  a gastronomía propia do país (as luras do Elixio, por exemplo) e a idiosincrasia característica da nosa terra. Tamén dedicouse un anaco á figura protagonista: o solitario e reflexivo Leo Caldas.

 Así mesmo, a  música é un elemento moi presente na novela. O tema I love my man de Billie Holiday  acompáñanos nos momentos clave da obra pechando o capítulo final. 

Non te perdas esta entrevista a Domingo Villar. Nesta, o autor, transmítenos como as pescudas policíacas das súas novelas son a excusa para amosar aos lectores  as relacións humanas, os sentimentos, o novo papel da muller ou a vellez. Son temas moi presentes na obra deste autor afincado en Madrid e que escribe con morriña de Galicia.

https://view.genial.ly/61f5a14cb021450012aeff3a/interactive-conEntrevista con Domingo Villar