Bo verán

 PECHADO POR VACACIÓNS

     

      Chegou a hora de pechar as portas da nosa biblioteca ata o próximo curso. Queremos dar as grazas a todo o alumnado, ás familias e a toda a comunidade educativa por converter a nosa biblioteca nun lugar vivo no que se fala, comparte e aprende sobre lecturas e a vida en xeral.

     Queremos facer unha mención especial a todo o alumnado que participou no programa de voluntariado na biblioteca. En setembro, poderedes recoller o voso diploma de acción voluntaria na biblioteca escolar.

      Ademais, como este verán decébranse os Xogos Olímpicos e a Eurocopa, fixemos unha última selección de lecturas deportivas para que desfrutedes da lectura en familia no voso tempo de lecer.

      Tamén podedes levar á praia ou á piscina os vosos libros en versión dixital grazas á plataforma ELBE.2

     Vémonos en setembro para compartir as vosas lecturas refrescantes e para todo o que queirades. A biblioteca espéravos cos brazos abertos. 😊

 PECHE DE OURO DOS CLUBS!

      No día de hoxe festexamos por todo o alto que o curso chega ao seu fin cunha gran festa na biblioteca con gran parte do alumnado que froma parte dos diferentes clubs de lectura. Por todos vós, rompemos as normas da biblioteca e comemos en boa compaña mentres falamos das lecturas deste ano e intercambiamos impresións. Tamén aproveitamos para poñer en común os libros que tiñamos pensado ler neste verán.

      Ademais, preparamos unha misión especial para eles: SALVAR A BIBLIOTECA. Todos eles tiveron que traballar en equipo para superar as oito probas de diversa índole (pocións, laberintos, cebracabezas, adiviñanzas, xogos de memoria, etc) e conseguir todas as letras que desactivaban a bomba que poñía en perigo a nosa querida biblioteca. Xa vos adiantamos que son marabillosos e todos os equipos conseguron chegar a tempo para salvala. Que sorte a nosa poder contar con vós!

      Despois de tantos nervios, tocou descansar un pouco para coller forzas. Mentres que vos dabamos as grazas pola vosa implicación neste curso repartimos bolsas máxicas que fixemos co programa Polos Creativos. Non sabemos se vos fixo máis ilusión o agasallo ou a posibilidade de enchelo de lecturas para o verán. Nese momento desatouse a emoción absoluta. Esperamos ansiosos setembro para poder compartir con vós todas as impresións das lecturas que levades para o voso tempo de lecer 😉

Roterio por Marineda

 ROTEIRO CON EMILIA POR MARINEDA

       No día de hoxe as familias que forman parte do club de adultos(dentro do programa Lectura e Familias) fomos percorrendo Marineda da man de Xulia Santiso tras a lectura da Tribuna de Emilia Pardo Bazán. Grazas a este roteiro pudemos sentirnos aínda máis adentro da obra pois sentíamonos como Amparito. Ademais, puidemos achegarnos a toda a obra desta escritora na que aparece Marineda reflectida con todo tipo de detalles. 

      Comezamos no Xardíns de San Carlos. Grazas a Xulia, tivemos o privilexio de ver as vistas desde o balcón do Archivo do Reino de Galicia. Alí coñecemos o Marineda na infancia de Emilia que era "un navío en cuyos cordajes y arboladura no cesaba de engolfarse, de silbar, de rugir, la furiosa ventolera"

      Despois, acercámonos á porta de Carlos V e Xulia contounos datos curiosos sobre a consideración que se tiña nesa época sobre o verdugo e sobre a propia porta. 

      Seguimos a nosa andaina ata chegar á igrexa de Santa María Magdalena para poder coñecer a historia dos adorantes que nos vixilan desde o pótico da igrexa. Tamén observamos a parte trasera da casa museo para poñernos na pel de Emilia cando miraba pola fiestra.

      A seguinte parada foi na entrada da casa museo Emilia Pardo Bazán. Por desgracia está en obras e non puidemos entrar, pero queda pendente para cando volva a estar aberta. Nela descubrimos a historia familiar de Emilia e serviunos para entender mellor o seu carácter único que rompeu moldes. Tamén afondamos a través dun discurso que dou Pardo Bazán en 1884 sobre a evolución da "Sociedade del Folk-lore Gallego" á Real Academia Galega.

     Abandonamos o "Barrio de Arriba" para pararnos na praza de María Pita pois "el páramo de Solares no divide a Marineda solo en lo físico, sino en lo moral también". Foi impactante ver fotografías da época nas que a praza non existía.

     Paseando chegamos ata Rego de Auga e teorizamos sobre cal era realmente a casa na que Emilia pasou os primeiros anos da súa vida.

     Continuamos facendo paradas no teatro Rosalía de Castro, nas galerías da Mariña. Despois, percorremos a rúa Real falando do circo de artesáns e do Sporting club Casino (chamado naquel momento "la pecera") ata que chegamos ao café Oriental e o hotel PAlace que funcionou ata 1967. Nese punto tamén estivemos a falar do paseo de Filas que tanto nos chamara a atención ao ler A Tribuna.

       O roteiro finalizaou aos pés do monumento a Emilia Pardo Bazán que está nos Xardín de Méndez Núñez. Allí puidemos observar como Emilia está mirando cara a cidade preparada para anotar coa súa pluma todo o que lle chame a atención. 

      Moitísimas grazas a Xulia por facernos tan ameno o percorrido por Marineda e compartir con nós tantos datos e anécdotas de Emilia. Estamos desexando profundizar na súa obra. 

As bibliotecas entenden

 ORGULLAMENTE LGTBIQ+

     Aínda que o día internacional do Orgullo LGTBIQ+ é o 28 de xuño, na biblioteca adiantamos a súa reinvidicación. Os integrantes do club de lectura fioxeron unha selección de lecturas que normalizan todas as realidades que na actuallidade algúns queren agochar. 

      Ademais,crearon xogos de todo tipo para achegarlles a toda a comunidade educativa ideais fundamentais para poder vivir nunha sociedade plural, empática e diversa.

Revisa na casa

 DEVOLVE OS LIBROS DA BIBLIOTECA!

         Revisa na casa se tes algún libro da biblioteca e, se é así, devólveo. 

        Non formes parte do listado de morosos. É imprescindible para o correcto funcionamento dos empréstitos da biblioteca que todos colaboremos.

     Ademais, cando os devolvas, podes aproveitar para coller lectura para este verán.

Xornadas de transición

 CON GANAS DE QUE FORMEDES PARTE DO NOSO CENTRO!

      No día de hoxe voñeron a visitarnos os nosos furuos alumanos do CEIP Portofaro e Wenceslado Fernández Flórez. Para que coñezan o que será o seu novo centro o curso prósimo organizáronse varias actividades nas que participou toda a comunidade educativa.

      Non hai mellor maneria para saber desenvolverse nas nosas instalacións que facer unha xincana ambientada no mundo pirata. Entre as diversas paradas que tiveron que facer para conseguir o tesouro, estivo a nosa biblioteca. Ademais da súa organización, tiveron que crear o tejuelo dunha obra de Robert L. Stevenson e despois localizar o libro nas estanterías.

 

Os clubs de lectura na ExpOtaku 2024

     ASALTAMOS DE NOVO A EXPOTAKU!

     Para celebrar o día do friki, algúns dos integrantes dos clubs de manda acudimos o sábado 25 de maio á ExpOtaku que se celebrou no recinto ferial Expocoruña. Pasámolo incríble! Puidemos desfrutar de obradoiros de pokeballs, de xincanas de atrapa la bandera e Spy x family e de loitas con todo tipo de armas. Ademais, puidemos conversar con escritores de ciencia ficción como Kaos e coñecer as novidades en realidade virtual e videoxogos. Estamos desexando volver!!!

Celebrando as nosas letras

 SEMANA DAS NOSAS LETRAS

       Con motivo do día das Letras Galegas, no noso centro celebramos a nosa cultura durante toda a semana por todo o alto, realizando multitude de actividades desde diferentes departamentos coordinados por Normalización Lingüísitica.

     Na biblioteca, desde o primeiro día de maio organizamos a exsposición Que veñen as letras!, un calendario no que cada día dabamos a coñecer libros da nosa literatura que están no catálogo para que puideras levalos para casa e desfrutar deles.

     Os alumnos de 1º ESO na biblioteca puideron dar os seu primeiros pasos como escritores grazas ao obradoiro de escrita creativa que lles impartiu Alberto Barreiro na biblioteca.

     O noso alumnado de 4º ESO tivo un encontro moi enriquecedor co escritor Marcos Calveiro no que analizaron a súa obra Curros & Holmes.

      Tamén tivemos o privilexio de asistir a un concerto do grupo QFB no noso salón de actos. Así a rapazada de 4º ESO descubriu que existen bandas que mesturan sons da música tradicional galega con bases de rock, rap e hip-hop.

     

    Ademais o alumnado de 2º ESO participou no Correlingua no que intercambiaron experiencias con outros centros educativos durante a andaina por A Coruña.

     O broche de ouro á semana das letras foi a celebración da IV edición do Festival das letras, que organizou o alumnado de 4ºESO coordinados polo Departamento de Lingua Galega e Literatura. Canto talento teñe a nosa rapazada.     

     

XXV aniversario do IES Afonso X o Sabio

 XXV ANIVERSARIO DO NOSO CENTRO

     Este fin de semana tivo lugar o XXV aniversario do noso instituto. Para iso, preparamos unha selección de exposicións das diferentes actividades que se levan a cabo na biblioteca

• Os clubs len... onde aparece unha selección das obras lidas este ano nos diferentes clubs de lectura que se coordinan desde a biblioteca: manga, literatura comparada, matemático, xadrez, ecleéctico, LGTBIQ+...

• Que veñen as letras, onde aparece a escolma bibliográfica que se está a realizar para celebrar o día das Letras Galegas.

• Homenaxe a Akira Toriyama, recollendo unha escolma das creacións que fixeron os nosos alumnos para celebrar o día do cómic en marzo.

• Viaxar é unha aventura

   Durante o sábado, realizamos obradoiros de escritura incluído no programa Lectura e familias para facerlles partícipes do proxecto "a historia da escritura" e así que experimentaran de primeira man o que é a escritura en pergamino, papiro e arcilla 

   Ademais, queriamos que se levaren un recordo e puideorn elaborar diferentes marcapáxinas.

   Tamén, preparamos unha selección de lecturas para desfrutar en familia nunha nova ubicación do recuncho familiar.

XXV aniversario

FESTEXAMOS O NOSO XXV ANIVERSARIO

     Todas as familias e a rapazada estades invitados a celebrar por todo o alto con nós o XXV aniversario do noso instituto. Para iso, temos preparado un fin de semana moi completo con actividades, obradoiros e exposicións de todo tipo. 

 QUE VEÑEN AS LETRAS!

       Aínda que o día das Letras Galegas é o venres 17 de maio, no centroimos adicarlle moito máis tempo á nosa cultura. Por iso, estanse a preparar moitas actividades que terán lugar neste mes e que culminarán coa celebración do IV Festival das Letras o xoves 16 de maio. Deixámos un pequeno adianto do que vos espera.

     Ademais, cada día do mes na biblioteca teredes unha novidade da nosa literatura no calendario Que veñen as letras!. Pasade todos os días a descubrilas

23 abril: día do libro

 VIAXANDO COS LIBROS!

      Hoxe celebramos o día do libro como se merece xa que sempre está aí cando o necesitamos. Grazas a el, movémonos polo mundo sen saír da casa. Por iso, desde a semana pasada todos os membros da comunidade educativa afanámonos en renderlle a mellor homenaxe.

      Na entrada da nosa biblioteca montamos o noso Lerflix no que recollemos suxestións lectoras de todo tipo e que cambiaremos semanalmente ata rematar o curso.

      Ademais, o departamento de Lingua Castelá e Literatura traballou con todo o alumando as diversas manifestacións literarias que aparecen recollidas nos libros de viaxes e están expostas no vestíbulo, xunto cunha selección de libros de aventuras feita desde a biblioteca e que plantexan viaxes apasionantes que podedes vivir cada un de vós.

       Ademais, hoxe pola tarde celcebrouse a entrega de premios do XIX certame literario "Sea breve, por favor" coa actuación do coro e o alumnado de Música de 1ºBacharelato para amenizar a cerimonia.

      Podedes ler todos os microrrelatos gañadores e pasar pola Biblioteca a contarnos que vos parecen.

      Ademais, grazas ao departamento de Lingua Galega e ao esforzo do alumnado de 1º ESO, podemos desfrutar dunha minibiblioteca que construíron con moita paciencia e delicadeza. Esta serve de marco para presentar a exposición dos seus traballos Se fose un libro.

certame literario Xoán Díaz

 ESCRIBE E PARTICIPA!

       Convócase a XXX edición do certame literario Xoán Díaz . Podedes participar con escritos de poesía, narrativa breve e microteatro, todos eles orixinais en galego. Na seguinte ligazón podedes consultar toda a información relativa as bases e á inscripción. Tes ata o 30 de abril para animarte a presentar os teus textos.

Encontro con Andrea Maceiras

DE VIAXE POLO AMAZONAS CON ANDREA

    Onte tivemos a sorte de que a autora e antiga alumna do centro, Andrea Maceiras, visitara a nosa biblioteca para falar co alumando de 1º ESO e dos clubs de lectura sobre as  súas obras, desentrañando especialmente A folla azul. Grazas a iso, fixemos unha espectacular viaxe pola Amazonas. 

        Neste vídeo podedes experimentar parte desa viaxe:   

      Ademais, tivemos a oportunidade de compartir con ela  as nosas impresións sobre as temáticas que desenvolve nas súas obras, o seu proceso creativo e os seus gustos como lectora. Á rapazada encantoulles e xa preguntan se pode volver máis veces.

     Podedes pasar pola biblioteca a ver a exposicións dos xogos que crearon os alumnos de 1º ESO sobre esta obra de Andrea Maceiras. Menuda creatividade!